Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Biznes Mühiti və Beynəlxalq Reytinqlər üzrə Komissiyanın “Sərhəddə ticarət” işçi qrupunun iclası keçirilib
Biznes Mühiti və Beynəlxalq Reytinqlər üzrə Komissiyanın “Sərhəddə ticarət” işçi qrupunun iclası keçirilib

Fevralın 17-də Biznes Mühiti və Beynəlxalq Reytinqlər üzrə Komissiyanın “Sərhəddə ticarət” işçi qrupunun genişləndirilmiş iclası keçirilib.

İclasda Dövlət Gömrük Komitəsi sədrinin birinci müavini, gömrük xidməti general-leytenantı İsmayıl Hüseynov, Komitənin aidiyyəti strukturlarının əməkdaşları, Biznes Mühiti və Beynəlxalq Reytinqlər üzrə Komissiyanın Katibliyi, İqtisadiyyat, Maliyyə, Rəqəmsal İnkişaf və Nəqliyyat, Energetika nazirlikləri, Mərkəzi Bank, Qida Təhlükəsizliyi, Kiçik və Orta Biznesin İnkişafı, Vətəndaşlara Xidmət və Sosial İnnovasiyalar üzrə Dövlət agentliklərinin və aidiyyəti təşkilatların “Sərhəddə ticarət” işçi qrupunun Fəaliyyət Planının icrasına bilavasitə cəlb olunan məsul şəxsləri və özəl sektorun təmsilçiləri iştirak ediblər.

İşçi qrupun rəhbəri qismində iclasa sədrlik edən Komitə sədrinin birinci müavini İsmayıl Hüseynov bu ilin “Sərhəddə ticarət” işçi qrupunun Fəaliyyət Planının bütün aidiyyəti tərəflərin mövqeyi öyrənilərək formalaşdırıldığını bildirib. Nəzərə çatdırılıb ki, Fəaliyyət Planı hazırlanarkən əsas diqqət bir daha sərhəddə ticarət zamanı vaxt və xərclərin minimuma endirilməsi, əlverişli investisiya mühitinin formalaşdırılması və iqtisadiyyatın dayanıqlılığının artırılmasına yönəldilib.

Bu istiqamətdə görülən işlərin davamı olaraq, idxal-ixrac və tranzit əməliyyatlarının sürətli, şəffaf və tam elektron mühitdə vahid platforma üzərindən həyata keçirilməsi məqsədilə “Azərbaycan Respublikasında “e-Pəncərə” (e-Window) sisteminin tətbiqi”nin gerçəkləşdirilməsinin nəzərdə tutulan layihələrdən biri olacağı qeyd edilib.

Biznes Mühiti və Beynəlxalq Reytinqlər üzrə Komissiyanın Katibliyinin rəisi Vüsal Şıxəliyev işçi qrupun 2021-ci ildəki fəaliyyətindən məmnunluqla bəhs edib. Bildirilib ki, “Doing Business” hesabatını dayandıran Dünya Bankı bu ildən qiymətləndirmələrin yeni metodologiya əsasında aparılacağı layihənin icrasına başlayacaq. Yeni layihə daha geniş məsələləri əhatə edir və biznes mühitinin müasir çağırışlara (rəqəmsallaşma, ətraf mühitin qorunması və s.) uyğun olaraq daha təkmil metodlarla qiymətləndirilməsini nəzərdə tutur.

Sonra iclasın gündəliyində duran məsələlər müzakirə olunub. “Ekoloji təmiz nəqliyyat vasitələrindən istifadənin stimullaşdırılması və təşviqi ilə bağlı qiymətləndirmələrin aparılması, təkliflərin hazırlanması və həyata keçirilməsi üzrə 2022-ci il üçün Yol Xəritəsi” sənədinin icra vəziyyəti ilə bağlı müzakirələr aparılıb.

Daha sonra ekoloji təmiz nəqliyyat vasitələrindən istifadənin stimullaşdırılması və təşviqi ilə bağlı müvafiq qanunvericiliyin təkmilləşdirilməsi məqsədilə “Azərbaycan Respublikası Nazirlər Kabinetinin 2017-ci il 17 noyabr tarixli, 500 nömrəli Qərarı ilə təsdiq edilmiş “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edilməsi barədə Azərbaycan Respublikası Nazirlər Kabinetinin “Sərhəddə ticarət” işçi qrupu tərəfindən hazırlanan Qərar layihəsi iştirakçıların diqqətinə çatdırılıb. Bildirilib ki, yeni layihəyə əsasən, zavod buraxılış tarixi 1 (bir) ili ötməyən və yalnız elektrik mühərriki ilə hərəkətə gətirilən nəqliyyat vasitələrinə tətbiq olunan idxal gömrük rüsumlarının sıfıra endirilməsi nəzərdə tutulur.

İclasın nəticəsi olaraq, “Azərbaycan Respublikası Nazirlər Kabinetinin 2017-ci il 17 noyabr tarixli 500 nömrəli Qərarı ilə təsdiq edilmiş “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edilməsi barədə hazırlanmış Azərbaycan Respublikası Nazirlər Kabinetinin Qərar layihəsinin Nazirlər Kabinetinə təqdim edilməsi qərara alınıb.

Sonda iclasın gündəliyindəki məsələlər - “Özəl sektor tərəfindən ekoloji nəqliyyat vasitələri ilə bağlı xüsusi Yol Xəritəsinin təqdim edilməsi”, “Ekoloji təmiz nəqliyyat vasitələrindən istifadənin stimullaşdırılması və təşviqi ilə bağlı qiymətləndirmələrin aparılması, təkliflərin hazırlanması və həyata keçirilməsi üzrə 2022-ci il üçün Yol Xəritəsi”nin icrasından irəli gələn tədbirlər müzakirə edilib. Həmçinin, növbəti iclasın tarixi və görüləcək işlərin müəyyən olunması ilə bağlı məlumat verilib.

DGK Mətbuat və İctimaiyyətlə Əlaqələr İdarəsi

Paylaş »
››› "Putindən qəribə qoxu gəlirdi" - Fiona Hill
››› Finlandiya və İsveç Rusiyadan qorunmaq üçün Türkiyənin dediyini etməlidir
››› Rusiyada canlı yayımda qəfil etiraf: "Ukraynada vəzyyətimiz pisləşib"
››› Ukrayna Rusiya ərazisini atəşə tutub: Zavodun hədəfə alındığı bildirilir
››› Rusiyada ard-arda hərbi komissarlıqları yandırırlar - Səbəb
››› Rusiya Paşinyanı istefaya göndərə bilmir: Moskvanın tərəfdarları azlıqda qalıb
››› ABŞ mətbuatında "Ərdoğan harayı", yaxud "meymun baxdı güzgüyə..."
Koronavirusa dair informasiya saytı
Son xəbərlər
Bütün xəbərlər »