Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Vaqif Əsədov “NZS”-dəki villadan danışdı
Jurnalistlər üçün inşa edilən binadan ev almaq istədiyi deyilən Bakı Şəhər Baş Dövlət Yol Polisi İdarəsinin ictimaiyyətlə əlaqələr şöbəsinin rəisi, polkovnik Vaqif Əsədovun iddia olunan Bakı şəhəri, “NZS” qəsəbəsindəki dəbdəbəli villasının görüntüləri yayılıb. Məsələ ilə bağlı Bakı Şəhər Baş Dövlət Yol Polisi İdarəsinin ictimaiyyətlə əlaqələr şöbəsinin rəisi, polkovnik Vaqif Əsədovun özünə müraciət etdik.

Vaqif Əsədov Oxu.Az-a açıqlamasında bildirib ki, onun evinin olması ilə bağlı yayılan məlumatlar şayiədir: “Mənim evim yoxdur. Məni tanıyan və ətrafımda olanların hamısı bilir ki, mən harada və kimin evində yaşayıram. Sosial şəbəkələrdə haqqımda yazılanlar ürək bulandırmadan, paxıllıqdan başqa bir şey deyil”.

Vaqif Əsədov sosial şəbəkələrdə yayılmış və onun olması iddia olunan villanın şəkillərinə də münasibət bildirdi. Onun sözlərinə görə, şəkilləri yayılmış villa, əslində, yəhudi dostlarınındır və ona heç bir aidiyyəti yoxdur.

Bakı Şəhər Baş Dövlət Yol Polisi İdarəsinin ictimaiyyətlə əlaqələr şöbəsinin rəisi jurnalistlər üçün inşa edilən binadan ev almaq istədiyini nə gizlətməyib.

“Hesab edirəm ki, evlər ada görə yox, xidmətlərə və əməyi olanlara verilməlidir. Mən də neçə illərdir ki, mətbuat sahəsində çalışıram. Bu sahədə xidmətlərim varsa, niyə də ev üçün müraciət edənlərdən biri olmayım?”

Vaqif Əsədov həmçinin onun haqqında mənfi məlumatlar yayan saytlara da müraciət etdi: “Deyəsən yay fəsli mediada mövzu qıtlığı yaradıb. İndi belə xəbərlər yaymaqla ictimaiyyətin diqqətini cəlb etmək istəyirlər”.

Paylaş »
››› Daha bir Türkdilli dövlətdə ruslarla bağlı qalmaqal
››› Kənd sakinləri 5G-dən qorxub mobil ötürücü qülləni uçurublar
››› Terror aktına görə danlanan idarə rəisi özünü öldürdü
››› Universitetdə 4 nəfəri öldürənin müalicəsinə hər gün 2 milyon xərclənir
››› Azərbaycanda son sutkada koronavirusa yoluxanların sayı açıqlandı
››› Nazirlikdən xəbərdarlıq: Güclü leysan olacaq, dolu düşəcək
››› Şəhidin qardaşı bayrağı dəyişərkən hündürlükdən yıxılaraq ölüb
Son xəbərlər
Bütün xəbərlər »