Mərkəzi Gömrük Hospitalında müalicə almış koronavirus xəstələrinin sayı açıqlanıb.
"Report" xəbər verir ki, bu barədə Dövlət Gömrük Komitəsinin (DGK) sədri Səfər Mehdiyev tviterdəki hesabında yazıb.
“Mərkəzi Gömrük Hospitalı il yarımdan artıq müddətdir ki, yalnız koronavirus xəstələrinin müalicəsi ilə məşğul olur. Bu müddət ərzində 1 600-dən çox koronavirus xəstəsi Mərkəzi Gömrük Hospitalında stasionar müalicə alıb”, - DGK sədri qeyd edib.
