ABŞ Prezidenti Co Bayden Ukrayna ətrafında yaranmış vəziyyəti Kemp Deviddəki iqamətgahında milli təhlükəsizliyə cavabdeh olan şəxslərlə müzakirə edib.

APA-nın xəbərinə görə, bu barədə Ağ Ev məlumat yayıb.

Məlumatda deyilir ki, prezident öz komandasının üzvləri ilə həm video formatda, həm də şəxsən görüşüb. Dövlət başçısına Ukrayna-Rusiya sərhədindəki son vəziyyət barədə məruzə edilib. Co Bayden deeskalasiya üçün diplomatik vasitələrdən istifadəni də administrasiya üzvləri ilə müzakirə edib.