Rusiya FSB və hüquq-mühafizə orqanları təsisçisi Andrey Novakın kiber fırıldaqçılıq ittihamı ilə ABŞ-da axtarışa verildiyi iddia edilən “The Infraud Organization” haker qrupunun dörd üzvünü saxlayıb.

Bizimyol.info xəbər verir ki, hüquq-mühafizə orqanlarındakı mənbənin "TASS"a verdiyi məlumata görə, Novak həbs edilib, daha üç haker isə ev dustaqlığına buraxılıb.

“Əməliyyat-axtarış tədbirləri zamanı Rusiya xüsusi xidmət orqanları hüquq-mühafizə orqanlarının operativ dəstəyi və Amerika Birləşmiş Ştatlarından olan hüquq-mühafizə orqanlarının əməkdaşlarının köməyi ilə haker qrupunun dörd üzvünü müəyyən edərək saxlamağa müvəffəq olub. Əsas gəlir mənbəyi oğurlanmış kredit kartı məlumatlarından istifadə olan "İnfraud" Təşkilatı ABŞ-da kiber fırıldaqçılıq ittihamı ilə axtarışda olan cinayətkar qrupun təsisçisi olduğu iddia edilən Andrey Sergeyeviç Novak iki ay müddətinə həbs edilib. Qrupun daha üç üzvü - Kirill Samokutyaev, Konstantin Vladimiroviç Berqman və Mark Avramoviç Berqman ev dustaqlığına buraxılıb”, - mənbə bildirib.

İstintaq "The Infraud" Təşkilatının digər üzvlərinin müəyyənləşdirilməsini davam etdirir.

Mənbənin verdiyi məlumata görə, Rusiyanın Novakı ABŞ-a ekstradisiya etmək planı yoxdur: “Rusiya qanunvericiliyi öz ölkəsinin vətəndaşlarının xarici dövlətə ekstradisiyasını qadağan edir”, - deyə mənbə bildirib.

Eyni zamanda, onun sözlərinə görə, həbs edilən qruplaşma üzvləri arasında Rusiya vətəndaşlığı olmayan təqsirləndirilən şəxs varsa, o zaman Rusiyada cinayət işi araşdırıldıqdan və ona məhkəmədə baxılaraq hökm oxunduqdan sonra müttəhim barəsində cinayət işinin açıldığı ölkəyə ekstradisiya oluna bilər.

Bizimyol.info