Böyük Britaniyanın xarici işlər naziri Liz Truss fevral ayında Rusiyaya səfəri üçün Moskvaya icazə xahişi ilə sorğu göndərib və o, razılığını alıb.

Bizimyol.info xəbər verir ki, bu barədə "TASS"a diplomatik mənbə məlumat verib.

Qeyd olunur ki, Truss Rusiya xarici işlər naziri Sergey Lavrovla danışıqlar aparmağı gözləyir.

Bir gün əvvəl Lavrov Cenevrədə ABŞ dövlət katibi Entoni Blinkenlə təhlükəsizlik təminatları ilə bağlı danışıqlar aparıb.

Liz Truss həmin vaxt Sidneydə idi. Avstraliyalı həmkarı ilə görüşdə o, Rusiya və Çinin getdikcə daha çox əməkdaşlıq etdiyini, yaranan ideoloji siyasi boşluğu doldurmağa çalışdığını, bu ölkələrin hər ikisinin Qərbdə və Sakit Okean regionunda hökmranlığa can atdığını söyləyib.

Həmçinin, britaniyalı diplomat bildirib ki, Ukrayna çoxlu işğallar yaşayıb.

Bizimyol.info