Əfqanıstanın müvəqqəti hökumətinin baş naziri Molla Məhəmməd Həsən Axund deyib ki, "Taliban" administrasiyası beynəlxalq səviyyədə rəsmən tanınmalıdır.

Bizimyol.info xəbər verir ki, bu barədə Molla Məhəmməd Həsən Axund Kabildə keçirdiyi mətbuat konfransında çıxışı zamanı deyib.

Axund bildirib ki, "Taliban" administrasiyası rəsmi tanınması üçün bütün şərtləri yerinə yetirib: “Bütün hökumətlərə, xüsusən də müsəlman ölkələrinə müraciət edirəm ki, bizi tanımağa başlasınlar”, - deyə o müraciət edib.

Axund sentyabrda müvəqqəti hökumət qurulandan sonra ilk dəfə mətbuat konfransı keçirib.

Xarici güclər avqustun 15-də Əfqanıstanda nəzarəti ələ keçirən "Taliban"ı tanımaq istəmir. ABŞ-ın rəhbərlik etdiyi Qərb ölkələri Əfqanıstan banklarında milyardlarla dolları müsadirə edib. Beynəlxalq banklardakı valyuta ehtiyatlarından istifadə edə bilmədiyinə görə, ölkədə sosial vəziyyət son dərəcə çətinləşib.

Bizimyol.info