Qaya nümunələrini toplayan aparat dekabrın 29-da missiya komandasının "İssole" adlandırdığı qayadan nümunələr götürdükdən sonra problem yaşamağa başlayıb.

Bizimyol.info xəbər verir ki, NASA-nın dərc etdiyi bloq yazısına görə, nümunə köçürmə zamanı normaldan daha yüksək sürtünmə miqdarı qeydə alınıb və “gəzici” Yerə xəbərdarlıq göndərib. Operatorlar gəzicidən daha çox məlumat tələb ediblər, lakin Mars günləri ilə Yer günləri arasında uyğunsuzluq səbəbindən "Perseverance"-in cavab verməsi təxminən bir həftə çəkib.

Məlumatlar gəldikdə isə komanda “gəzici”yə öz mexanikası üzrə hərəkət etməyi əmr edib. Bu sırada ortaya çıxan görüntülər problemi üzə çıxardıb. Problemin kiçik bir çınqıl yığını olduğu məlum olub.

İndi NASA operatorları həll yolu tapmaq üçün səylə çalışırlar.

Qeyd edək ki, "Perseverance" 18 fevral 2021-ci ildə Marsa enib. O, vaxtilə çay deltası olan Jezero kraterini araşdırır. Məqsəd bir zamanlar həyatın izlərini ehtiva edən krateri qiymətləndirmək üçün nümunələr toplamaqdır.

Leyla, Bizimyol.info