Böyük Britaniya kraliçası II Yelizaveta ikinci oğlu Şahzadə Endryu ona qarşı qaldırılan cinsi zorakılıq iddialarına görə bütün hərbi rütbələrindən və kral himayəsindən məhrum edib.

Bizimyol.info xəbər verir ki, bu barədə Bukingem Sarayı məlumat yayıb.

"York hersoqu Endryu artıq kral ailəsinin üzvü kimi çıxış etməyəcək və məhkəmədə fərdi şəxs kimi çıxış edir", - deyə bəyanatda qeyd edilir.

“The Guardian” yazır ki, Endryuya “Əlahəzrət” titulundan istifadə etmək də qadağan edilib. Patronajın götürülməsi o deməkdir ki, şahzadə artıq xeyriyyəçiliklə məşğul ola bilməyəcək. Hazırda onun himayəsində 100-dən çox təşkilat fəaliyyət göstərir.

Şahzadə 2019-cu ildən mətbuatda onun yetkinlik yaşına çatmayanların iştirakı ilə fahişəlik təşkil etməkdə təqsirli bilinən maliyyəçi Ceffri Epstein ilə əlaqələri mövzusunu gündəmə gətirdiyi vaxtdan bəri vəzifəsindən azad edilməsini xahiş edib. Epstein 2019-cu ildə həbsdə ölü tapılıb.

Elə həmin il Andrew-in bütün hərbi titulları müvəqqəti olaraq geri alındı.

Kraliçanın qərarından bir müddət əvvəl 150 hərbi veteran ona məktub yazaraq, Endryu zorlama iddialarına görə hərbi titullarından məhrum etməsini xahiş edib. Bukingem Sarayı müraciəti şərh etməyib.

Bizimyol.info

A statement from Buckingham Palace regarding The Duke of York: pic.twitter.com/OCeSqzCP38

— The Royal Family (@RoyalFamily) January 13, 2022