ABŞ-ın Birləşmiş Millətlər Təşkilatındakı keçmiş səfiri Nikki Heyli prezident Baydeni Konqresin İran sanksiyalarının yüngülləşdirilməsinin terrorçu qrupları necə gücləndirdiyinə dair tam hesabat tələblərindən yayındığına görə tənqid edib.

Bizimyol.info xəbər verir ki, xanım siyasətçi "The Washington Times"a verdiyi açıqlamada cənab Baydeni İranın nüvə danışıqlarına yenidən cəlb ediləcəyi halda ABŞ-ın sanksiyalarının yüngülləşdirilməsinin tam mənzərəsini gizlətməkdə günahlandırdı.

“Prezident Baydenin İran sövdələşməsinə qayıtmaq üçün Konqresə qarşı çıxması məsuliyyətsizlik və açıq şəkildə təhlükəlidir. Amerika xalqının dünyada terrorun aparıcı sponsoru olan dövlətə pul köçürmədiyimizi bilmək hüququ var. Biz cavab almağa layiqik və Konqres Baydeni məsuliyyətə cəlb etməlidir”, - deyə o bildirib.

Keçmiş prezident Donald Trampın dövründə ABŞ-ın səfiri vəzifəsində iki il çalışmış və Cənubi Karolinanın ilk qadın qubernatoru olan xanım Heyli 2024-cü il üçün Respublikaçılar Partiyasından prezidentliyə potensial namizəd hesab olunur.

Bizimyol.info