Qazaxıstanın birinci prezidenti Nursultan Nazarbayevin keçmiş müşaviri Yermuxamet Yertısbayev silahlı iğtişaşların səbəbi kimi ölkə rəhbərliyindəki məmurlanın xəyanət etmələrini göstərib.

Bizimyol.info xəbər verir ki, bu barədə "RİA Novosti" məlumat verib.

Eks-məmur deyib ki, Qazaxıstandakı silahlı etirazlar Sovet İttifaqının dağılmasından keçən 30 il ərzində bütün postsovet məkanında ən ciddi böhrandır:

"Dövlət çevrilişinə cəhdin, silahlı üsyanın miqyası göz qabağındadır. O qədər geniş əhatəli təşkilatlanmanı, hakimiyyətin ən yüksək eşelonundan, xüsusən də hüquq-mühafizə orqanlarından xainlər olmadan həyata keçirmək mümkün deyildi. Bu, dövlətə qarşı dəhşətli cinayətdir”, - deyə Ertısbayev bildirib.

Qeyd edək ki, Qazaxıstanda etirazlar yanvarın 2-də bir çox vətəndaşın avtomobillərinə yanacaq doldurmaq üçün istifadə etdiyi maye qazın qiymətinin iki dəfə artması fonunda başlayıb.

Bizimyol.info