Hindistanda aparılan araşdırmalar nəticəsində məlum olub ki, qız uşağına hamilə olan qadınların böyük hissəsi abort üçün istidafə edilən həblərdən içməyə məcbur edilir.

Bizimyol.info xəbər verir ki, statistikaya görə, 50 ildə təxminən 46 milyon körpə, qız uşağı olduğu üçün abort həbləri vasitəsi ilə öldürülüb.

Bundan əlavə məlum olub ki, körpələrin oğlan uşağı olması üçün qadınların hamiləlik dövründə onlara zorla müəyyən dərmanlar içirdilir.

İngiltərənin “The Guardian” qəzeti yazır ki, Laali adlı Hindistanlı qadın da bu qurbanlardan biridir. Məlumata görə, Laali onlara müsahibə verən zaman bildirib ki, körpəsinin qız olduğu bildikdən sonra əri və ailəsi onu uşaq salmaq üçün dərmanlar içməyə məcbur ediblər. Bu dərmanlar hətta onun ayaqlarındakı qan dövranına da təsir göstərib və nəticədə o, bir müddət gəzə bilməyib.

Leyla, Bizimyol.info