Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Çavuşoğlu İƏT xarici işlər nazirlərinin Əfqanıstana birgə səfər etməsini təklif edib
Çavuşoğlu İƏT xarici işlər nazirlərinin Əfqanıstana birgə səfər etməsini təklif edib

“Hazırda Əfqanıstanda 23 milyona yaxın insan aclıqdan əziyyət çəkir ki, bu da əhalinin 60 faizini təşkil edir. İslam Əməkdaşlıq Təşkilatı ölkələri Əfqanıstana beynəlxalq dəstəyi hərəkətə gətirmək və yerinə yetirmək üçün lider rolunu oynamalıdır”

APA-nın xəbərinə görə, bunu Əfqanıstandakı humanitar vəziyyətlə bağlı İslam Əməkdaşlıq Təşkilatı ölkələrinin Xarici İşlər Nazirləri Şurasının İslamabadda keçirilən fövqəladə iclasında Türkiyə xarici işlər naziri Mövlud Çavuşoğlu bildirib.

M.Çavuşoğlu deyib ki, Əfqanıstana öncə humanitar dəstək vermək önəmlidir: “Bu gün bu istiqamətdə qəbul edəcəyimiz qərarın da mütləq tətbiq olunması lazımdır”.

İslam İnkişaf Bankının Əfqanıstana dəstək mövzusunda fəaliyyətini təqdir edən M.Çavuşoğlu bu ölkədəki iqtisadi böhranın da qarşısının alınmasının vacibliyini vurğulayıb. Türkiyə XİN başçısı üçüncü mərhələ olaraq Əfqanıstandan miqrasiyanın qarşısını almaq üçün İƏT-in digər beynəlxalq təşkilatlarla koordinasiyalı fəaliyyətini zəruri sayıb: “Humanitar və iqtisadi böhran köç təzyiqini və qonşu ölkələr arasında məsuliyyəti artırır. Ona görə də BMT-nin Qaçqınlar üzrə Ali Komissarlığı ilə birgə əməkdaşlığımız da önəmlidir”.

Dördüncü mərhələ olaraq Əfqanıstan böhranının qarşısının alınmasında “Taliban” hökuməti ilə birgə fəaliyyəti məsələsinə də toxunan M.Çavuşoğlu deyib ki, bu ölkədə vəziyyətin pisləşməsinin Asiyadakı bütün müsəlman ölkələrinə də mənfi təsir göstərməməsi üçün fəal olmaq lazımdır: “Taliban” ölkədə bütün əhalinin mənafeyinə uyğun idarəetmə yürütməlidir”.

M.Çavuşoğlu İƏT xarici işlər nazirləri olaraq Kabilə birgə səfər təklifini də irəli sürüb: “Kabildə əfqan qardaşlarımızla həmrəyliyimizi nümayiş etdirə, oradan birbaşa mesajlar verə bilərik. Əfqan qardaşlarımız daha yaxşı bir gələcəyə haqq edirlər”.

Paylaş »
››› Ziddiyyətli açıqlamalar: Evlər ucuzlaşacaq, yoxsa bahalaşacaq?
››› Orta statistik Azərbaycan ailəsi istirahətin nə olduğunu həyatı boyu bilməyəcək
››› "Deputatlar oldular, ya olmadılar.., heç bir fərqi yoxdur"
››› Ucuz və baha kolbasanın fərqi: "İçində ətdən başqa hər şey var"
››› Sakit okeanda Tonqa krallığını sunami viran edib - Video
››› Yuxuda ağlamağın yozumu nədir...
››› Azərbaycanda son sutkada koronavirusa yoluxanların sayı açıqlandı
Son xəbərlər
Bütün xəbərlər »