Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
ABB-nin yeni konseptdə qurulmuş Binəqədi filialı müştərilərin xidmətində!
ABB-nin yeni konseptdə qurulmuş Binəqədi filialı müştərilərin xidmətində!

ABB yeni konseptdə qurulmuş Binəqədi filialını istifadəyə verib. Müştərilər üçün daha əlçatan olsun deyə filialın ünvanı dəyişib. Binəqədi filialı hazırda gediş-gəliş üçün çox rahat bir yerdə - “Azadlıq” metrosunun yaxınlığında (Süleyman Sani Axundov küçəsi - 42) xidmət göstərir.

Müasir bankçılıq texnologiyaları ilə təchiz olunmuş filial binasında müştərilərə yüksək səviyyədə xidmət üçün hər cür şərait yaradılıb. Fərdi və korporativ müştərilər ABB-nin Binəqədi filialında kassa-hesablaşma əməliyyatları, istehlak, ipoteka və biznes kreditləri, əmanətlər, pul köçürmələri, plastik kartların sifarişi, nağd valyuta ilə əməliyyatlar və s. bu kimi çeşidli məhsul və xidmətlərdən faydalana bilərlər.

ABB-nin yeni konseptdə qurulmuş Binəqədi filialı müştərilərin xidmətində!

ABB-nin İdarə Heyəti sədrinin birinci müavini İlham Həbibullayev Bankın filiallarının yenilənməsi prosesinin uğurla davam etdirildiyini bildirib:

“Ofislərimizin yenilənməsi müxtəlif seqmentlərdən olan müştərilərimizə daha keyfiyyəli xidmət üçün geniş imkanlar yaradır. Binəqədi filialı ABB-nin yeni brend kimliyinə uyğun dizayn edilib. Filial və şöbələrimizin ABB-nin yeni brend kimliyinin təcəssümü olan “Müasir, Faydalı, Universal” sloqanına uyğun fəaliyyət göstərməsi bizim üçün çox mühümdür”.

O, yaxın müddətdə digər yenilənmiş filial və şöbələrin də açılışının olacağını qeyd edərək bu prosesin növbəti dövrlərdə də davam edəcəyini vurğulayıb.

ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, rəsmi internet səhifəsindən və ya 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.

Paylaş »
Son xəbərlər
Bütün xəbərlər »