Almaniya Əfqanıstandan olan 25 min qaçqını qəbul edəcəyinə söz verib.
APA-nın verdiyi xəbərə görə, bu barədə Avropa İttifaqının daxili işlər üzrə komissarı Ylva Johanssonun üzv ölkələrə ünvanladığı məktubda bildirilib.
9 dekabr tarixli məktubda Aİ-nin daxili işlər üzrə komissarı üzv dövlətləri 2022-ci ilin sonuna qədər qaçqınların qəbul olunması ilə bağlı vədlərini yerinə yetirməyə çağırıb.
"Risk altında həssas qrupdan olan insanlar və qaçqınlar təhlükəsiz və ləyaqət içində yeni həyata başlamaq üçün getmələrini gözləyirlər", - Aİ rəsmisi məktubunda bildirib.
Bu sənədə görə Almaniya 25 000 əfqan qaçqını, Hollandiya 3 100-dən çox qaçqını qəbul etməyə razılaşıb. Sənədə əsasən, Fransa və İspaniya 2500, İsveç isə 2000 nəfəri qəbul edəcək.
