Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Yeni epidemiya xəbərdarlığı
Yeni epidemiya xəbərdarlığı

Konqo Demokratik Respublikasının şərqindəki Maniema əyalətində meymun çiçəyi epidemiyasının yayıldığl elan edilib.

Bizimyol.info xəbər verir ki, Maniema qubernatoru vəzifəsini icra edən Afani İdrissa açıqlamasında bildirib ki, Maniema əyalətinin Venqa, Utşu və Veta bölgələrində 191 nəfər bu virusa yoluxub, 24 nəfər isə dünyasını dəyişib.

Bölgədə “meymun çiçəyi” epidemiyası elan etdiklərini bildirən İdrissa mərkəzi hökumətə və humanitar yardım fondlarını köməyə çağırıb. İctimaiyyətdən ehtiyatlı olmağı xahiş edən İdrissa qeyd edib ki, simptomları hiss edən hər kəs dərhal ən yaxın sağlamlıq mərkəzinə müraciət etsin.

Məlumatda bildirilir ki, bu virus insanlara daha çox gəmiricilər və primatlar kimi vəhşi heyvanlardan keçir. Xəstəliyin simptomlarına temperatur, baş ağrısı, səpgi, yorğunluq və nəfəs darlığı daxildir. Mərkəzi və Qərbi Afrika ölkələrində müşahidə edilən xəstəlik üzdən başlayaraq əl və ayaqlarda dəri səpgilərinə də səbəb ola bilər.

Leyla, Bizimyol.info

Paylaş »
Son xəbərlər
Bütün xəbərlər »