Son illərdə NATO Rusiya sərhədlərinin bilavasitə yaxınlığında hərbi fəaliyyətini artırıb. ABŞ-ın strateji aviasiyası Rusiya Federasiyası ərazisindəki hədəflərə qanadlı raket buraxılışları hazırlayır.

Bizimyol.info xəbər verir ki, bunu Rusiya Federasiyası Silahlı Qüvvələrinin Baş Qərargah rəisi Valeri Gerasimov bildirib.

O qed edib ki, Rusiya Federasiyası Müdafiə Nazirliyi gərginliyi azaltmaq və qarşılıqlı etimad səviyyəsini artırmaq üçün təhlükəsizlik problemlərini müzakirə etməyə hazırdır:

"Avropada gərginlik azalmır. Son illər Şimali Atlantika Alyansının hərbi fəaliyyəti əhəmiyyətli dərəcədə artıb. Hər il Rusiya sərhədlərinin bilavasitə yaxınlığında NATO-nun 40-a yaxın iri hərbi təlimi keçirilir", - Gerasimov brifinqdə deyib.

O qeyd edib ki, NATO-nun qoşulmayan ölkələrin də iştirak etdiyi təlimlər zamanı çoxlu sayda qoşun Rusiya Federasiyasının sərhədlərinə yerləşdirilir, hərbi texnikanın bir hissəsi isə manevrlərin keçirildiyi yerlərdə qalır.

“Bu il “Avropanın Müdafiəçisi” adlı genişmiqyaslı təlim keçirilib, burada təkcə alyans ölkələri deyil, həm də bloklara qoşulmayan dövlətlər – İsveç, Finlandiya, Avstriya da iştirak edib. Təlimlər başa çatıb, amma ABŞ-ın texnologiyasının bir hissəsi bu günə qədər Rusiya sərhədlərindədir. Onlar Avropadan geri çəkilməyib", - deyə general vurğulayıb.

Onun sözlərinə görə, “Amerika strateji aviasiyası Rusiya sərhədləri üzərindən uçuşlarını əhəmiyyətli dərəcədə artırıb: "Bu müddət ərzində Rusiya Federasiyası ərazisindəki hədəflərə qanadlı raketlərin buraxılışını həyata keçirir. Təkcə son bir ayda 30-a yaxın reys həyata keçirilib ki, bu da ötən ilin eyni dövrü ilə müqayisədə iki yarım dəfə çoxdur. NATO qüvvələrinin Qara və Baltik dənizlərində hərbi dəniz fəaliyyətində artım var. Bu il alyansın Qara dənizə aid olmayan ölkələrinin - Böyük Britaniya, Yunanıstan, İspaniya, İtaliya və ABŞ-ın 26 hərbi gəmisi 29 çağırış edib. Qara dənizə ötən il 23 belə çağırış olub. Bu baxımdan, NATO gəmilərinin hərəkətləri çox vaxt təxribat xarakteri daşıyır”, - deyə Baş Qərargah rəisi bildirib.

Onun sözlərinə görə, Rusiya hərbçiləri bütün hərəkətləri diqqətlə izləyir: "Sərhədi pozmağa cəhdlərin, əlbəttə ki, qarşısı alınacaq. Rusiya Müdafiə Nazirliyi gərginliyin azaldılması və qarşılıqlı etimad səviyyəsinin yüksəldilməsi üçün konkret tədbirlərin işlənib hazırlanması üçün lazımi şəraitin yaradılması məqsədilə Avropa və qlobal təhlükəsizlik problemlərini müzakirə etməyə hazır olduğunu bildiri”, - Baş Qərargah rəisi deyib.

Bizimyol.info