Tramp uduzduğu 3 noyabr seçkilərində saxtakarlıq olduğuna və səslərin oğurlandığına dair iddialarını təkrarlayıb.
Bizimyol.info xəbər verir ki, bu barədə o, peyvəndlə bağlı Britaniyanın "GB News" kanalına verdiyi müsahibədə bildirib.
Seçkidən 3 gün sonra Konqres qarşısında mitinq keçirməyin səhv olub-olmaması ilə bağlı suala Tramp: "Qiyam oldusa, seçki günü 3 noyabrda oldu. Mənə görə o, üsyan, 6 yanvar isə etiraz idi”, - deyib.
“Təəssüf ki, bəzi pis şeylər baş verdi. İzdihamın çox olacağını bilirdim, çünki seçki saxtakarlığına görə qəzəbdən xəbərdar idim və mən bunu hamıdan yaxşı başa düşürdüm”, - deyən Tramp 10.000 milli qvardiyanın və hətta ordunun Konqresin ətrafında yerləşdirilməsini istədiyini bildirib.
ABŞ-ın keçmiş prezidenti təhlükəsizlik tələbinin Nümayəndələr Palatasının spikeri Nensi Pelosi tərəfindən rədd edildiyini qeyd edib.
Tramp 2024-cü ildə yenidən prezidentliyə namizəd olub-olmayacağı ilə bağlı suala "Ölkəni sevirsənsə, başqa seçimin yoxdur", - deyib.
Ölkəsini sevdiyini və onu görünməmiş bir səviyyəyə çatdırdığını deyən Tramp, yeni növ koronavirus (Kovid-19) peyvəndlərinin tapılmasını da onun komandasının uğuru olduğunu vurğulayaraq: “Onlar peyvəndin kəşfinin 12 il çəkəcəyini gözləyirdilər. Və hamı belə tezliklə lazımı nəticə alınacağını gözləmirdi, lakin biz inanılmaz nəticələrə nail olduq. Biz heyrətamiz bir iş gördük”.
Bizimyol.info