"OPEC+" (OPEC və təşkilata daxil olmayan ölkələri əhatə edən neft istehsalının azaltması üzrə təşəbbüs) ölkələrinin texniki komitəsi omikron ştammının neft tələbatına təsirinin qiymətləndirməsini yeni ştammın ciddiliyi aydınlaşdıqdan sonra – yəni iki həftə sonra keçirməyi təklif edib.
"APA-Economics"in məlumatına görə, bu barədə "OPEC+"ın məruzəsində deyilir.
"OPEC+" texniki komitəsi neft ehtiyatlarının satışının neft bazarına təsirini mülayim qiymətləndirib.
Bundan başqa, komitə 2021-ci il üçün gündəlik tələbat proqnozunu 5,65 mln. barelədək azaldıb, 2022-ci il üçün isə 4,15 mln. barel səviyyəsində saxlayıb.
"OPEC+" 2022-ci ildə 1,7 mln. barel həcmində ehtiyatların satışını nəzərə alaraq neft profisiti gözləyir, martda gündəlik profisit 3,8 mln. barelə çata bilər.