ABŞ yeni növ koronavirusun (Kovid-19) yeni variantı səbəbindən bazar ertəsindən etibarən Cənubi Afrika və 7 Afrika ölkəsinə səyahət məhdudiyyəti tətbiq edəcək.

Bizimyol.info xəbər verir ki, ABŞ prezidenti Co Bayden Cənubi Afrikada ortaya çıxan yeni Kovid-19 variantı ilə bağlı yazılı açıqlama verib.

Müşavirlərinin ona bu varianta qarşı dərhal tədbir görülməsini tövsiyə etdiyini bildirən Bayden, bazar ertəsindən etibarən Cənubi Afrika, Botsvana, Zimbabve, Namibiya, Lesoto, Esvatini, Mozambik və Malaviyə səyahət məhdudiyyətlərinin tətbiq ediləcəyini bildirdi.

Böyük Britaniya yeni varianta görə 6 ölkəyə səyahət məhdudiyyəti tətbiq edəcək.

Bu məhdudiyyət çərçivəsində ABŞ vətəndaşı və ya rezidenti olmayan insanlar bu ölkələrdən ABŞ-a gedə bilməyəcəklər.

Bizimyol.info