Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Küçələri təmirə həsrət qalan şəhər
Küçələri təmirə həsrət qalan şəhər

Bəlkə də on beş ildən çox olar ki, İlham Rzayev Yardımlı şəhər icra nümayəndəsi vəzifəsində çalışır. Elə təxminən o müddət də Yardımlı şəhərinin əsas küçələri təmir üzünə həsrət qalıb. Dəfələrlə cəhd etmişik ki, onunla görüşüb, bu problemlərlə bağlı fikir mübadiləsi aparaq, di gəl ki, “zat aliləri” İlham Rzayevi nə kabinetində, nə də iş başında tapa bilməmişik. Yəqin daha mühüm tapşırıq və vəzifələri icra edir. Bunun nədən ibarət olduğu isə “qaranlıqdır”.

Əcaba, bu səlahiyyət sahibinin şəhərin abadlıq-quruculuq işlərindən başqa hansı öhdəlikləri ola bilər?! Bunu elə-belə, sözgəlişi qeyd etmirik, çünki Yardımlı şəhərinin hazırki mənzərəsinə baxanda acınacaqlı vəziyyət “göz oxşayır”, ürək bulandırır. Sanki ilərdir burada daşı daş üstə qoyan olmayıb. Və sakinlərin şikayətlərinə də heç bir diqqət ayrılmayıb.

Yardımlıda yol

Əslində onunla görüşməyə can atmaqda məqsədimiz real vəziyyətə aydınlıq gətirməkdir. Ancaq İlham Rzayev olub atlı, biz qalmışıq piyada. Nə bilmək olar, bəlkə də bu sətirləri oxuyandan sonra insafa gəlib bir açıqlama verdi.

Biz şəkillər vasitəsi ilə şəhərin üç mərkəzi küçəsinin bu günkü drumunu təqdim edirik.

İnanırıq ki, cənab İlham Rzayevdən bütün bunların hesabını soruşan tapılacaq…

1-ci 2-ci şəkillər Vəli Məmmədov küçəsini, 3-cü, 4-cü şəkillər Şəhid Vüqar Nəciyev küçəsini, 5-ci, 6-cı şəkillər isə Daşkənd küçəsini əks etdirir.

P.S. Bu küçələr Xəzər Aslanovun da, Sevindik Hətəmovun da dövründə həmin gündə olub. Bu problem uzun illərin problemidir və İlham Rzayevin yarıtmaz işinin nəticəsidir. Başçılar bir-birini dəyişir, amma dəyişməz qalan İlham Rzayev və onun biganəliyidir.

Elman Eldaroğlu Elman Eldaroğlu

Paylaş »
››› “Qəza barədə fikir bildirmək hələ ki, tezdir”- Keçmiş nazirdən açıqlama
››› Ulduz  falı: 02 dekabr, 2021-ci il – Əməyinizin mükafatını alacaqsınız
››› Hamının sevimlisinə çevrilən müəllim təzyiqlərə məruz qaldı
››› Yol polisindən növbəti xəbərdarlıq və ya hökumətin işləməyən qərarı
››› Rusiya Krımda tələyə düşüb: Ukrayna ətrafında NATO qüvvələri artmaqdadır
››› "Qara pişik" doğrudanmı təhlükəlidir... - Batil inanclar və din
››› Paytaxtın mərkəzində etiraz aksiyası keçirməyə cəhd edilib
Son xəbərlər