Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Səbinə Əliyeva İƏT OA-nın iclasında Ermənistanın son təxribatından danışıb
Səbinə Əliyeva İƏT OA-nın iclasında Ermənistanın son təxribatından danışıb

Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva 17 noyabr 2021-ci il tarixdə İslam Əməkdaşlıq Təşkilatının Ombudsmanlar Assosiasiyasının (İƏT OA) Direktorlar Şurasının videokonfrans formatında keçirilən 5-ci iclasında çıxış edib.

Ombudsman Aparatının mətbuat xidmətindən Bizimyol.info-ya verilən məlumata görə, tədbirdə Türkiyənin Baş Ombudsmanı Şərəf Malkoç, İƏT OA-nın Prezidenti cənab Məhəmməd Cavad, Pakistanın Vergilər üzrə Federal Ombudsmanı və İƏT OA-nın Baş Katibi, cənab Asif Mahmud Jah da iştirak ediblər.

Görüşdə Ombudsman qonaqları salamlayaraq, İkinci Qarabağ müharibəsi zamanı və postmünaqişə dövründə Ermənistan silahlı qüvvələri tərəfindən pozulmuş və hələ də pozulmaqda davam edən insan hüquqları barədə geniş məlumat verib. O, Vətən Müharibəsi dövründə mülki şəxslərin və mülki yaşayış məntəqələrinin Ermənistan silahlı qüvvələri tərəfindən qəsdən hədəfə alındığını, insan hüquq və azadlıqlarının kobud surətdə pozulduğunu, hazırda işğaldan azad edilmiş ərazilərdə hələ də mina probleminin mövcud olduğunu və nəticədə hələ də Azərbaycanlı həm mülki, həm də o ərazilərdə qulluq edən hərbçilərimizin minaya düşərək həlak olduğunu və sağlamlıqlarını itirdiklərini vurğulayıb.

Daha sonra Müvəkkil Ermənistanın hərbi qüvvələri tərəfindən 16 noyabr 2021-ci il tarixdə Azərbaycanın dövlət sərhədində törətdiyi genişmiqyaslı hərbi təxribat nəticəsində Azərbaycan Ordusunun 7 hərbi qulluqçusunun şəhid olduğunu, 10 nəfərin isə yaralandığını tədbir iştirakçılarının diqqətinə çatdırıb.

S. Əliyeva müharibə dövründə Ermənistan tərəfindən törədilən insan hüquq pozuntularının yerində araşdırılması məqsədilə Azərbaycan Ombudsmanın dəvəti əsasında ölkəmizə səfər etmiş, daha sonra araşdırmanın nəticəsi olaraq əsaslandırılmış hesabat hazırlayaraq bununla bağlı dünya ictimaiyyətini məlumatlandırmış İƏT OA nümayəndə heyətinə öz dərin təşəkkürünü bildirib.

Ombudsman fürsətdən istifadə edərək tədbirdə iştirak edən cənab Asif Mahmud Jahı Pakistanın Vergilər üzrə Federal Ombudsmanı və İƏT OA-nın Baş Katibi seçilməsi münasibətilə təbrik edərək ona yeni fəaliyyətində uğurlar arzulayıb.

Tədbirdə qurumun Baş Assambleyasının planlaşdırılması və qurumun cari və gələcək fəaliyyət istiqamətləri ətrafında da fikir mübadiləsi aparılıb.

Paylaş »
››› Son Günəş tutulması bürclərə necə təsir edəcək
››› Tapdığı 2 milyonluq boyunbağını sahibinə qaytardı, təhqir olundu
››› TƏBİB və Səhiyyə Nazirliyinin Operativ Qərargahdakı rolu nədir?
››› Ulduz  falı: 06 dekabr, 2021-ci il – Qazanclı sövdələşmələr, yaxşı alışlar mümkündür
››› Ermənistan 10 hərbçisini geri alaraq mina xəritələrini verib
››› Bakı metrosunda qatar stansiyaya daxil olarkən sərnişin relsin üstünə düşüb
››› Partlayışın nüvə obyektləri ilə heç bir əlaqəsi yoxdur
Son xəbərlər
Bütün xəbərlər »