Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Vətən müharibəsində şanlı qələbəmizə həsr olunan "Zəfər Liqası" futbol turniri keçirilib
Vətən müharibəsində şanlı qələbəmizə həsr olunan "Zəfər Liqası" futbol turniri keçirilib

Azərbaycan Könüllü Təşkilatları İttifaqı, Azərbaycan Futbol Federasiyaları Assosiasiyası və Azərbaycan Gənclər Fondunun təşkilatçılığı ilə 20 oktyabr - 5 noyabr 2021-ci il tarixlərində Vətən müharibəsində şanlı qələbəmizə həsr olunan "Zəfər Liqası" futbol turniri keçirilib.

Azərbaycan Respublikası Dövlət Gömrük Komitəsinin "Könüllü gömrükçü" dəstəsinin futbol komandası da olmaqla "Zəfər Liqası" futbol turnirində 12 komanda (Turizm könüllüləri, AFFA könüllüləri, Nəqliyyat könüllüləri, Bir könüllü, DOST könüllüləri, ASAN könüllüləri, Miqrasiya könüllüləri, Gənc könüllülər, Diaspora könüllüləri, Formula 1 könüllüləri, Aqrar könüllüləri) iştirak edib. Komandalar püşkatma nəticəsində hər qrupda 3 komanda olmaqla 4 qrupda mübarizə aparıb. Qrup daxilində keçirilmiş oyunlar nəticəsində ilk iki yeri tutmuş komandalar ¼ final mərhələsində mübarizə aparmaq hüququ qazanıb.

Vətən müharibəsində şanlı qələbəmizə həsr olunan "Zəfər Liqası" futbol turniri keçirilib

"Könüllü gömrükçü" dəstəsinin futbol komandası B qrupunda rəqibləri üzərində böyük hesablı qələbə qazanaraq qrup lideri kimi ¼ final mərhələsinə vəsiqəni təmin edib.

"Könüllü gömrükçü" dəstəsinin futbol komandası uğurlu çıxışını davam etdirərək ¼ final mərhələsində AFFA könüllüləri üzərində də qələbə qazanaraq növbəti tura - yarımfinala adlayıb.

Turnirin yarımfinal mərhələsində komandamız Turizm könüllüləri ilə qarşılaşıb və oyun komandamızın yenə də qələbəsi ilə başa çatıb. Bu oyunun nəticəsi komandamızı final mərhələsinə daşıyıb.

Və nəhayət, noyabrın 5-də "Zəfər Liqası" futbol turnirinin final mərhələsi baş tutub, "Könüllü gömrükçü" dəstəsinin komandası ASAN könüllüləri ilə çempionluq uğrunda qarşı-qarşıya gəliblər. Gərgin və maraqlı idman mübarizəsi şəraitində keçən final oyununda komandamız yüksək peşəkarlıq və əzmkarlıq göstərərək 3-2 hesabı ilə rəqibə qalib gəlib, "Zəfər Liqası" kubokunu başları üzərinə qaldırıblar.

Vətən müharibəsində şanlı qələbəmizə həsr olunan "Zəfər Liqası" futbol turniri keçirilib

Azərbaycan Futbol Federasiyaları Assosiasiyasının icraçı vitse-prezidenti Elxan Məmmədov mükafatlandırma mərasimində iştirak edib, komandamıza kuboku təqdim edərək onlara müvəffəqiyyətlər arzulayıb.

DGK Mətbuat və İctimaiyyətlə Əlaqələr İdarəsi

Paylaş »
››› Soçi bəyanatında nələr var? - obyektiv baxış cəhdi
››› Soçidə qazandıqlarımız və itirə biləcəklərimiz
››› "Azəravtoyol"dan "duzsuz" açıqlama, yaxud "kürək" siyasəti...
››› Yuxuda "cənnət meyvəsi" nar görməyin yozumu nədir...
››› Diplomatiyanın "Soçi dəhlizi"...
››› Azərbaycanda son sutkada koronavirusa yoluxanların sayı açıqlandı
››› XİN: "26 noyabr bəyanatında Azərbaycanın mövqeyini əks etdirən məqamlar tam şəkildə təmin edilib"
Son xəbərlər
Bütün xəbərlər »