Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Qazi atasının həbsi ilə bağlı İcra Hakimiyyətindən açıqlama
Qazi atasının həbsi ilə bağlı İcra Hakimiyyətindən açıqlama

Sosial şəbəkələrdə yayılan məlumatlarda qazi Nahid Məmmədovun atası, 2-ci qrup gözdən əlil, bloqer Saməddin Məmmədovun yaşadığı Cəlilabad rayon səhiyyəsinin bərbad vəziyyətindən, yerli icra hakimiyyətinin özbaşınalığından, rayondakı korrupsiyadan bəhs edən video çıxışından sonra polis tərəfindən oğurlandığı deyilir.  Məlumatda qeyd olunub ki, iki gündür ki, ailəsi ondan xəbərsizdir.

Məsələ ilə bağlı Cəlilabad Rayon İcra Hakimiyyəti açıqlama verərək bildirib ki, “Saməddin Məmmədovun həbs edilməsində rayon icra hakimiyyətinin heç bir rolu olmamış və öz cinayət əməlinin cəzasını almışdır”.

“Belə ki, 27 sentyabr 2021-ci il tarixdə - Anım günündə Məmmədov Saməddin Qardaşxan oğlu Cəlilabad rayonunun Məşədivəlli kənd sakini, rayonda jurnalistlik fəaliyyəti ilə məşğul olan Cəfərov Elşən Oqtay oğlunu rayon avtovağzalının həyətində döyərək ona müxtəlif bədən xəsarətləri yetirmişdir. Elşən Cəfərov kəllə-beyin travması, burunun deformasiya olunmuş sınığı diaqnozu ilə rayon mərkəzi xəstəxanasının reanimasiya şöbəsinə yerləşdirilmişdir.

Hadisə ilə bağlı Cəlilabad Rayon Polis Şöbəsində cinayət işi açılmış və 29 oktyabr 2021-ci il tarixdə Saməddin Məmmədov Cinayət Məcəlləsinin 127.2.3 və 221.2.1-ci maddələri ilə həbs edilmişdir.Məlumat üçün bildiririk ki, Saməddin Məmmədov narkotik vasitələrin satışı ilə məşğul olduğuna görə 2006-cı ildə 8 il, oğlu Amid Məmmədov xuliqanlığa görə 2016-cı ildə 5 il, digər oğlu Nahid Məmmədov isə narkotik maddədən istifadə etdiyinə görə 2019-cu ildə 5 ay 27 gün müddətinə azadlıqdan məhrum edilmişlər.

Saməddin Məmmədov törətdiyi cinayətin cəzasından yayınmaq, istintaqın gedişinə təsir göstərmək məqsədilə son vaxtlar sosial şəbəkələrdə özünü hüquq-müdafiəçisi kimi təqdim etmiş, RİH başçısı və rayonun digər vəzifəli şəxsləri haqqında şər-böhtan xarakterli məlumatlar yayaraq onları şantaj etməyə və bununla şəxsi mənfəət əldə etməyə çalışmışdır”

Leyla, Bizimyol.info

Paylaş »
››› “Qəza barədə fikir bildirmək hələ ki, tezdir”- Keçmiş nazirdən açıqlama
››› Ulduz  falı: 02 dekabr, 2021-ci il – Əməyinizin mükafatını alacaqsınız
››› Hamının sevimlisinə çevrilən müəllim təzyiqlərə məruz qaldı
››› Yol polisindən növbəti xəbərdarlıq və ya hökumətin işləməyən qərarı
››› Rusiya Krımda tələyə düşüb: Ukrayna ətrafında NATO qüvvələri artmaqdadır
››› "Qara pişik" doğrudanmı təhlükəlidir... - Batil inanclar və din
››› Paytaxtın mərkəzində etiraz aksiyası keçirməyə cəhd edilib
Son xəbərlər