Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Saakaşvili tibbi yardımdan imtina edib - Ukraynalı həkim
Saakaşvili tibbi yardımdan imtina edib - Ukraynalı həkim

Həbsxanada aclıq aksiyası keçirən Gürcüstanın keçmiş prezidenti Mixail Saakaşvili tibbi yardımdan və vəziyyətini yüngülləşdirən prosedurlardan imtina edib.

Bizimyol.info xəbər verir ki, bunu mətbuata acıqlamasında Ukraynadan Saakaşvilinin səhhətini müayinə etmək üçün Gürcüstana gəlmiş həkim Maksim Perebiinis məhbusla görüşdən sonra bildirib.

Perebiinis jurnalistlərə deyib: "Tələbləri nəzərə alınmadığı üçün Saakaşvili bildirib ki, bu gündən o, tibbi yardım almaqdan imtina edir. O, aclığını azaltmağa kömək edən testlərdən və tibbi prosedurlardan imtina edir".

Ukraynalı həkimin sözlərinə görə, ona Saakaşvili ilə görüşmək və şəxsən yoxlamağa icazə verilməyib. Onlar məhbusla şüşə arxasından əlaqə saxlaya biliblər.

Perebiinis əlavə edib ki, həbsxana rəhbərliyi Saakaşvilinin son analizlərinin nəticələrini təqdim etməyib. Diaqnoza gəlincə, ukraynalı həkimin: "bu, tibbi sirrdir və bu barədə yalnız xəstənin özü danışa bilər", -deyə bildirib.

“Əgər ona tibbi yardım göstərilməsə, bu, aclıq aksiyası zamanı səhhətinin pisləşməsi riskini artıracaq. Heç bir halda Saakaşvilinin tibbi nəzarəti itirməsinə yol vermək olmaz”, - deyə ukraynalı həkim əlavə edib.

Sabiq prezident Saakaşvili 27-ci gündür ki, aclıq aksiyası keçirir. Məhkumun şəxsi həkimi onun səhhətindən ehtiyat edir və onun mülki multidissiplinar klinikaya yerləşdirilməsini tələb edir. Öz növbəsində Gürcüstan Ədliyyə Nazirliyi xəstənin Qldani 18 saylı həbsxanasındakı penitensiar xəstəxanaya köçürülməsini təklif edir. Bu arada eks-prezidentin vəkilləri onun həbsxana xəstəxanasına köçürüləcəyi təqdirdə onun təhlükəsizliyindən ehtiyat edirlər.

Mixail Saakaşvili sentyabrın 29-da gizli şəkildə Ukraynadan Gürcüstana gəlib və oktyabrın 1-də Tbilisidə saxlanılıb.  O, həbs olunduğu gün azadlığa buraxılmasını tələb edərək aclıq aksiyasına başlayıb.

Bizimyol.info

Paylaş »
››› Soçi bəyanatında nələr var? - obyektiv baxış cəhdi
››› Bir məmurun imzaladığı qərar on minlərlə vətəndaşın kabusuna çevrilib
››› Soçidə qazandıqlarımız və itirə biləcəklərimiz
››› Soçidən gözləntilərimiz və ya bizi nə gözləyir?
››› Azərbaycanda son sutkada koronavirusa yoluxanların sayı açıqlandı
››› Fransa ilə İngiltərə arasında gərginlik artır
››› XİN: "26 noyabr bəyanatında Azərbaycanın mövqeyini əks etdirən məqamlar tam şəkildə təmin edilib"
Son xəbərlər
Bütün xəbərlər »