İspaniyanın ən yüksək mükafatı olan "Asturias" mükafatını alan Prof. Dr. Uğur Şahin və Dr. Özlem Türeci xərçəng və QİÇS ilə bağlı əhəmiyyətli açıqlamalar verib.

Bizimyol.info xəbər verir ki, bu barədə Türkiyə mətbuatı məlumat verib.

Bildirilir ki, koronavirus peyvəndi olmayanlarla bağlı çağırış edən Şahin: “İlk növbədə peyvənddən çəkinmə səbəbləri ilə bağlı onların fikirlərini dinləməliyik. Çünki ətrafda çoxlu yalan məlumatlat yayılıb. İnsanlar kimə etibar edəcəklərini bilmirlər. Bizim birinci vəzifəmiz insanları bu məsələ ilə bağlı məlumatlandırmaqdır. Bu vəzifə bütün cəmiyyətə aiddir, çünki biz insanlar arasında ünsiyyəti qorumalıyıq. Peyvənd edilmiş insanların digər insanlarla əlaqə saxlaması vacibdir. Cəmiyyətin bu məsələdə həmrəy olması, fərqli reallıqlarla razılaşmaması lazımdır".

“Hazırda müxtəlif xəstəliklərin müalicəsini inkişaf etdirmək imkanımız var. Təbii ki, biz də xəstəliklərə qarşı MRNT texnologiyasından istifadə etmək istəyirik. Bəşəriyyət 100 ilə yaxındır ki, vərəm və malyariya ilə mübarizə aparır. Məsələn, hazırda QİÇS-in qəti müalicəsi yoxdur. Biz bu xəstəliyin qarşısını almaq üçün peyvəndlər hazırlamağa davam edirik. Bundan əlavə, xərçəngə qarşı peyvənd hazırlamağa çalışırıq. Xərçənglə mübarizədə insanların immun sistemini gücləndirəcək peyvənd”, - deyə QİÇS və xərçəngə qarşı peyvəndlər üzərində çalışdıqlarını izah edən Uğur Şahin bildirib.

Qısa müddətdə peyvəndin peyvəndin yaranması ilə bağlı insanlarda yaranmış etimadsızlığa münasibət bildirən Şahin:

"Bu təkcə vaksinlərə aid deyil. Bu, ümumi bir reaksiyadır, çünki insanlar sağlamlıqla bağlı bəzi şeyləri bilmək və anlamaq istəyirlər. Ətrafda o qədər çox məlumat var ki, onları çeşidləmək və anlamaq çətindir",- deyə qeyd edib.

Bizimyol.info