Kolumbiyada ən böyük narkobaron "Otoniel" ləqəbli Dairo Usug saxlanılıb.

Bizimyol.info xəbər verir ki, BBC News-un verdiyi məlumata görə, ölkə prezidenti bu hadisəni “Pablo Eskobarın tutulması” ilə müqayisə edib.

Narkobaron Kolumbiya-Panama sərhədi yaxınlığındakı Antiokiya departamentində yaxalanıb.  Kolumbiya polisi onun yerini iki həftə əvvəl ABŞ və Böyük Britaniya hüquq-mühafizə orqanları ilə birlikdə müəyyənləşdirib.

Narkobaronun tutulmasına polis əməkdaşları, 500 əsgər və 22 helikopter cəlb edib. Əməliyyat zamanı bir polis əməkdaşı həlak olub. Bu, Usuga qarşı uzun illərdən sonra həyata keçirilən ilk uğurlu əməliyyat olub. O, indiyə qədər mobil telefondan istifadə etməyib, əlaqələrini kuryer vasitəsilə həyata kçirdiyi üçün onun yerini müəyyənləşdirmək çətin olub. Yerli hakimiyyət orqanları onun tutulması üçün 800 min dollar, ABŞ hakimiyyəti isə 5 milyon dollar mükafat vəd edib.

Usugun başçılıq etdiyi cinayətkar qrup “Bəy klanı” və ya “Usugi klanı” adlanır. Onun üzvləri narkotik və insan qaçaqmalçılığı ilə məşğul olur, həmçinin Kolumbiyadan, o cümlədən ABŞ və Rusiyaya narkotiklərin nəqli marşrutlarına nəzarət edirlər.

Bizimyol.info

Lo que lograron nuestras tropas de las @FuerzasMilCol y de @PoliciaColombia con la captura de alias 'Otoniel', marcará un precedente para siempre en las operaciones militares de nuestro país, será recordada como el mayor golpe asestado contra el narcotráfico en este siglo. pic.twitter.com/PupiEaAVv1

— Iván Duque ?? (@IvanDuque) October 25, 2021