Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Narkoloji Dispanserə yerləşdirilən yazıçı ilə bağlı açıqlama
Narkoloji Dispanserə yerləşdirilən yazıçı ilə bağlı açıqlama

Maştağadakı Respublika Narkoloji Dispanserinə yerləşdirilən yazıçı Kəramət Böyükçöllün müalicəsi mərkəzin baş direktoru Orxan Cəfərovun nəzarətinə götürülüb.

Bu barədə Respublika Narkoloji Mərkəzindən Bizimyol.info-ya məlumat verilib. Məlumata əsasən, Kəramət Böyükçölün müalicəsi ilə bağlı zəruri tədbirlər davam etdirilir və əhəmiyyətli irəliləyiş əldə edilib.

“Kəramət Böyükçöl valideynləri ilə mütamədi olaraq telefon vasitəsilə əlaqə saxlayır. Həmçinin mərkəzin əməkdaşları pasiyentin səhhəti ilə bağlı onun valideynlərini mütamədi olaraq məlumatlandırırlar.

Qeyd edək ki, Nazirlər Kabinetinin Operativ Qərargahın müvafiq qərarına əsasən, COVID-19 pandemiyası ilə əlaqədar tibb müəssisələrində müalicə alan şəxslərin xəstə yaxınları tərəfindən ziyarəti məhdudlaşdırılıb”,- deyə məlumatda qeyd olunub.

Qeyd edək ki, son günlər sosial şəbəkədə canlı yayımlar açaraq, içkili vəziyyətdə təhqiramiz ifadələr işlədən yazıçı Kəramət Böyükçöl oktyabrın 7-də Maştağadakı Respublika Narkoloji Dispanserə yerləşdirilib. Onun Narkoloji Dispanserə hüquq-mühafizə orqanlarının əməkdaşları tərəfindən aparıldığı bildirilir.

Leyla Mirzə, Bizimyol.info

Paylaş »
Son xəbərlər
Bütün xəbərlər »