Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
CAREC Proqramının Gömrük Əməkdaşlığı Komitəsinin iclası keçirilib
CAREC Proqramının Gömrük Əməkdaşlığı Komitəsinin iclası keçirilib

Sentyabrın 28-də Mərkəzi Asiya Regional İqtisadi Əməkdaşlıq (CAREC) Proqramının Gömrük Əməkdaşlığı Komitəsinin 20-ci iclası keçirilib. Videokonfrans formatında təşkil olunan tədbirə Dövlət Gömrük Komitəsinin sədr müavini, gömrük-xidməti general mayoru Cavad Qasımov sədrlik edib.

İclasda Azərbaycan ilə yanaşı, CAREC üzv ölkələrinin nümayəndələri, eləcə də Asiya İnkişaf Bankının, Ümumdünya Gömrük Təşkilatının və BMT-nin Avropa İqtisadi Komissiyasının ekspertləri iştirak ediblər.

Cavad Qasımov Gömrük Əməkdaşlıq Komitəsinin 20-ci iclasını açıq elan edərək bildirib ki, tədbirin əsas məqsədi ticarətin asanlaşdırılması və sərhəd-keçid proseslərində davamlı təchizat zəncirinin təmin edilməsi, pandemiya və postpandemiya dövründə avtomatlaşdırılma prosesləri və innovativ texnologiyalar, kağızsız ticarətin tətbiqinə dair fəaliyyət, “CAREC inteqrasiya edilmiş Ticarət gündəliyi 2030” və onun “2021-2023-cü illər üçün Strateji Fəaliyyət Planı”, eləcə də digər aidiyyəti məsələlər ətrafında müzakirələrin aparılmasından ibarətdir. Vurğulanıb ki, xüsusilə, müasir dövrün tələblərini nəzərə alaraq ticarət təchizat zəncirində həyata keçirilən əməliyyatlar zamanı artıq süni intellektin tətbiqinə yer verilməsi və bu istiqamətdə həyata keçirilən işlərin daha yüksək səviyyədə yerinə yetirilməsi vacibdir.

CAREC Proqramının Gömrük Əməkdaşlığı Komitəsinin iclası keçirilib

Tədbirdə CAREC üzv ölkələrinin nümayəndələri tərəfindən (Azərbaycan, Çin Xalq Respublikası, Gürcüstan, Monqolustan, Pakistan, Türkmənistan, Tacikistan, Özbəkistan, Qazaxıstan) gömrük sistemlərində həyata keçirilən yeniliklər, səlahiyyətli iqtisadi operator səlahiyyətlərinin genişləndirilməsi, elektron “Bir pəncərə” sisteminin tətbiqi, gömrük nəzarəti və gömrük rəsmiləşdirilməsi sahəsində tətbiq edilən rəqəmsal layihələr barədə ətraflı məlumatlar iclas iştirakçılarının diqqətinə çatdırılıb. Həmçinin, iclasda COVİD-19 pandemiyası və post-pandemiya dövründə ticarət təchizat zəncirinin davamlılığının təmin edilməsi və sərhədlərarası ticarətə zərbə vura biləcək planlaşdırılmamış hadisələrin öncədən qarşısının alınması istiqamətində həyata keçirilməli olan tədbirlərə dair məlumatlar müzakirə edilib.

CAREC Proqramının Gömrük Əməkdaşlığı Komitəsinin iclası keçirilib

İclas zamanı Azərbaycan Respublikası Dövlət Gömrük Komitəsinin nümayəndəsinin təklifinə əsasən Asiya İnkişaf Bankı və CAREC İnstitutunun dəstəyi çərçivəsində elektron “bir pəncərə” sisteminin Azərbaycan və digər CAREC üzv dövlətləri tərəfindən tətbiqinin layihələndirilməsi məsələsinə baxılması qərarlaşdırılıb. Eləcə də CAREC nümayəndəsinin təklifi ilə “CAREC-in təkmilləşdirilmiş tranzit sisteminin və məlumatların ümumi mübadiləsinin pilot yoxlanılmasına dair üçtərəfli Saziş” layihəsinin Azərbaycan Respublikası ilə Gürcüstan arasında imzalanması istiqamətində işlərin başlanılmasına dair qərar qəbul edilib.

DGK Mətbuat və İctimaiyyətlə Əlaqələr İdarəsi

Paylaş »
››› İşğaldan azad olunmuş ərazilərdə kimlərə iş verilir: "Çox gülünc şərtlər qoyulub"
››› Gözlənilən Moskva görüşü aranı qarışdırdı: İrəvanda mitinqlər başlayır
››› Hərbi təlimlərə çağırış anlaşılmazlığa səbəb oldu: Regionda yeni toqquşma gözlənilirmi...
››› ABŞ-da başlayacaq və dünyaya yayılacaq - Twitterin qurucusundan xəbərdarlıq
››› “Vəzifəli şəxs qanunsuz olaraq mülkümü söküb”
››› ÜST Baş Direktoru: Epidemiya biz istəyəndə bitəcək
››› “Bu, təkcə, Qubadlıya deyil, bütün azad olunmuş ərazilərə aid olacaq”
Son xəbərlər
Bütün xəbərlər »