Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Təkbaşına bütün İngiltərə ilə döyüşən və dövlət quran adam...
Təkbaşına bütün İngiltərə ilə döyüşən və dövlət quran adam...

Dünya okeanının sularının tez-tez kosmosla müqayisə edilməsi təsadüfi deyil: Bu batmış xəzinələrdən qul ticarətinə qədər hər şeyin olduğu araşdırılmamış dünyadır. İngilis jurnalist, Pulitzer mükafatı laureatı Yan Urbinin "Qanundankənar okean " əsəri bu günlərdə işıq üzü görüb. Okeanda baş verən maraqlı hadisələrdən bəhs edən kitabda Britaniya ordusunun mayorunun dənizdə sahibsiz qalmış platformanı öz suveren knyazlığı elan etməsi barədə də maraqlı fraqmentlər yer alıb.

1966 -cı il Milad ərəfəsində, bütün ölkə evdə ailə süfrəsi arxasında olarkən, təqaüdçü İngilis ordusunun mayoru Paddy Roy Bates İngiltərə sahillərindən 7 mil aralıda kiçik bir gəmidə Şimal dənizində idi. Qarmaq və ipin köməyi ilə tərk edilmiş dəniz hava hücumundan müdafiə platformasına çıxdı və qəribə bir ideya ilə oranı ərazi elan etdi. Daha sonra ona "Sealand" adı verərək, xanımına " sənə ada hədiyyə edirəm" dedi.Hədiyyə heç də romantik nağıllardakı adalara bənzəmirdi. Bu dəmir platforma 1940 -cı illərin əvvəllərində Temzanı qorumaq üçün tikilmiş beş qaladan biri idi.

Rəsmi olaraq bu port "Əlahəzrət Rafs Towerin qalası "adlanırdı. Yerlilərin tərk edilmiş qala adlandırdıqları Rafs, okean səthindən 18 metr yüksəklikdəki iki çuxurlu beton sütun üzərində dayanan iki tennis kortu ölçüsündə geniş bir platforma idi. Roy sərt şərtlərdən qorxmadı və bü işə çox ciddi yanaşdı. Müharibə zamanı Rafs, 40 mm Bofors yüngül zenit avtomat topu və 4,5 metr lülələri olan 94 mm Vickers ağır zenit silahı ilə təchiz edilmişdi.

Qarnizonda bir vaxtlar yüzdən çox dənizçi var idi. Almaniyanın məğlubiyyətindən dərhal sonra daha Kral Dəniz Qüvvələrinə lazım olamayn qala tərk edildi.

Roy əvvəlcə Rafs-ı pirat radiostansiyası üçün əsas kimi istifadə etdi. Gənc tamaşaçıları çox maraqlandran Beatles, Kinks, Rolling Stones və digər populyar qrupların musiqilərini gecəyarısı yayımlayırdı. Heç bir lisenziya almaq üçün narahat olmadan gecə -gündüz müasir musiqi səsləndirirdi.

1966-cı ildə platformanın sahibi olan Roy, çörək bişmiş ət, düyü pudingi, un və viski ehtiyatları ilə doldurdu, bu da orada istədiyi qədər vaxt keçirməsinə imkan verdi - bəzən bir neçə ay evinə qayıtmadı. Bir dəfə, rəsmi olaraq həyat yoldaşına ad günü hədiyyəsi olaraq təqdim etdiyi platformadan yeni bir radio stansiyası yayıma başladıqdan bir neçə gün sonra Roy və Joan dostları ilə bir barda oturmuşdular. Roy adanı knyazlıq edəcəyini deyəndə hər kəs güldü. Bir neçə həftə sonra rəsmi olaraq yeni Sealand əyalətinin yaradıldığını elan etdi.

Qurucusunun əmri ilə knyazlığa çevrilən yeni Sealand əyalətinin öz pasportu, gerbi və bayrağı vardı - ortasında ağ diaqonal zolaq olan qırmızı və qara. Pul pul vahidinə Sealand dolları deyərək əskinaslarda həyat yoldaşının portretini yerləşdirdi. Ölkənin öz sosial şəbəkə hesabları var.

Formal olaraq heç bir ölkə Sealandı tanımadı, amma bu, onun yaradıcısının suverenlik hüququnun olmadığı anlamına gəlmədi. İngilis hökuməti və tənqidçilər, dəfələrlə muzdlu əsgərlər göndərərək platformanı ələ keçirməyə çalışdılar, amma uğursuz oldu. Demək olar ki, bütün cəhdlər eyni şəkildə sona çatdı - Bates ailəsinin üzvləri təcavüzkarların sıralarına qorxu və dəhşət səpdilər, tüfənglə öz istiqamətlərinə atəş açdılar, onlara molotof kokteylləri atdılar, Bir vaxtlar gündoğandan günbatana qədər böyük bir imperiyanı idarə edən İngiltərə, təkəbbürlü bir mikrodövlət qarşısında gücsüz qaldı. Hansı ki bu dövlətin ərazisi Buckinghem Sarayının əsas bal zalından daha kiçik idi.

Bir müddət sonra Britaniya hökuməti Royun ailəsini qanunsuz odlu silah saxlamaq və istifadə etməkdə ittiham etdi. Lakin məhkəmə prosesi zamanı Britaniya ərazilərindən kənarda, səlahiyyətlərinin yurisdiksiyası xaricində hərəkət etdiyinə görə, İngiltərə qanunlarına görə mühakimə olunmadı.

Bu məhkəmə qərarından daha da əsəbiləşən Roy, bir İngilis məmuru ilə söhbətində, istəsə, istədiyi vaxt "hər şeydən məsul olduğu üçün, kiminsə knyazlığının ərazisində öldürülməsini əmr edə biləcəyini" söylədi. Sealandın müstəqil bir dövlət kimi təsəvvürünün absurdluğuna və müvəqqəti olmasına baxmayaraq, İngilislər qonşusunu olduqca ciddiyə aldılar.

1960-cı illərin sonlarında açılmış sənədlər Sealandın dövrün siyasətçilərini son dərəcə qıcıqlandırdığını söyləyir: burunlarının altında başqa bir Kubanın görünəcəyindən qorxurdular. Vaxtilə platformanı bombalamaq planları belə qurulub, amma buna baxmayaraq, hakimiyyət bu cür radikal tədbirlər görməyə cürət etməyib.

1970-ci illərdə alman iş adamı Alexander Gottfried Achenbach Sealandda çevriliş etmək üçün bir qrup holland quldurunu işə götürdü. Əməliyyat girov götürülməsi və Almaniya ilə İngiltərə arasında şiddətli diplomatik qarşıdurma ilə nəticələndi. 1980 -ci illərin əvvəllərində, Folklend müharibəsi zamanı bir qrup argentinalı platformanı almağa çalışdı və bunun üzərində təlim düşərgəsi qurdu. Onsuz da bizim dövrümüzdə WikiLeaks əməkdaşları serverlərini oraya köçürməyin mümkünlüyünü nəzərdən keçirmişdilər və "Panama Sənədləri"ndə Sealand mütəşəkkil cinayətlərin sığınacağı kimi görünür.

Tərcümə etdi: İlhamə, Bizimyol.info

Paylaş »
››› Hər şeyə çarə bildiyimiz “paltar sabun”unun zərərləri
››› "Bunun bığı vardı, indi yoxdur" - Ərdoğandan Cahangir Əsgərova zarafat (Video)
››› Əcnəbi futbolçunun azərbaycanlı xanımı: "Bunu yoldaşıma surpriz etmişəm, baldızımla mənim fikrimdir"
››› Ortada yeyib kənarda gəzən Komitə, yaxud vəzifəsini anlamayanlara niyə maaş veririk...
››› Azərbaycanda son sutkada koronavirusa yoluxanların sayı açıqlandı
››› Turistlərin axışdığı adanın sakinləri onların gəlməsini istəmir
››› Nazirlikdən faktiki hava açıqlaması
Son xəbərlər
Bütün xəbərlər »