Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Türkiyə Suriyanın şimalında mövqelərini gücləndirdi
Türkiyə Suriyanın şimalında mövqelərini gücləndirdi

Türkiyənin Suriyanın şimalında mövqelərini və hərbi iştirakını möhkəmləndirən hadisə baş verib.

virtualaz.org xəbər verir ki, Türkiyə qoşunlarının nəzarətində olan bölgələrdə fəaliyyət göstərən beş müxalif silahlı qruplaşma birləşib və vahid ordu-“Suriya azadlıq cəbhəsi” yaradıb. 20 minlik bu silahlı qruplaşmaya general Mütəssim Abbas başçılıq edir.

Yeni struktura “Firkət əl-Həmzə” (“Əl-Həmzə diviziyası”), “Firkət əl-Mütəssim” (“Əl-Mütəssim diviziyası”), “Firkət əl-Sultan Süleyman Şah” (“Süleyman şah diviziyası”), “Liva Sukur əş-Şimal” (“Şimal qartalları”) və “20-ci diviziya” daxil olublar. Birləşmiş silahlı qruplaşmanın yaradılması mərasimi ötən gün sentyabrın 10-da Türkiyə ordusunun nəzarətində olan Əl-Bab şəhərində keçirilib.

General Abbas bildirib ki, “Suriya azadlıq cəbhəsi” Türkiyə ordusu ilə birlikdə Suriyanın şimal əyalətlərində terrorçu qruplara qarşı döyüşəcək. Birləşmiş qruplaşmanın tərkibində ərəblər və türkomanlar yer alır. Bu, Suriyanın şimalında Türkiyəyə bağlı ikinci iri hərbi qruplaşma olacaq. İndiyədək bu regionda ən iri qruplaşma 30 minlik “Suriya Milli Ordusu” idi. “Suriya Milli Ordusu” Türkiyənin Suriyanın şimalında PKK/YPG terrorçularına və İŞİD-ə qarşı həyata keçirdiyi hər üç hərbi əməliyyatlarda iştirak edib.

Hesab olunur ki, Suriyanın şimalında Türkiyəyə bağlı ikinci iri hərbi qruplaşmanın meydana çıxması bu regionu Əsəd rejiminin nəzarətinə qaytarmağa çalışan Rusiya üçün xoş sürpriz deyil. 2020-ci ilin martında Əsəd ordusu Rusiya və İran muzdluları ilə birlikdə, Rusiya aviasiyasının güclü hava dəstəyi ilə Suriyanın şimal regionlarına hücuma keçsə də uğur qazana bilməmişdi. Bu döyüşlərdə Türkiyənin “Bayraktar TB2” döyüş pilotsuz təyyarələrinin tətbiqi hərbi əməliyyatların gedişini dəyişdirdi və nəticədə Əsəd rejimi ilə onun tərəfində döyüşən qruplaşmalar atəşkəsə razılıq verdi.

Paylaş »
››› Daha bir Türkdilli dövlətdə ruslarla bağlı qalmaqal
››› Kənd sakinləri 5G-dən qorxub mobil ötürücü qülləni uçurublar
››› Terror aktına görə danlanan idarə rəisi özünü öldürdü
››› Universitetdə 4 nəfəri öldürənin müalicəsinə hər gün 2 milyon xərclənir
››› Azərbaycanda son sutkada koronavirusa yoluxanların sayı açıqlandı
››› Nazirlikdən xəbərdarlıq: Güclü leysan olacaq, dolu düşəcək
››› Şəhidin qardaşı bayrağı dəyişərkən hündürlükdən yıxılaraq ölüb
Son xəbərlər
Bütün xəbərlər »