Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Altıağac Milli Parkında “açıq qapı” günü keçirilir
Altıağac Milli Parkında “açıq qapı” günü keçirilir

Böyük Qafqazın cənub-şərq yamaclarında yerləşən, sıx meşəlik və çəmənliklərlə əhatə olunan Altıağac Milli Parkının bu gün yaranma günüdür. Bu münasibətlə milli parkın ərazisində “açıq qapı” günü keçirilir.

Bioloji Müxtəlifliyin Qorunması Xidmətinin rəisi Firuddin Əliyev bildirib ki, Altıağac Milli Parkı Azərbaycan Respublikası Prezidentinin 2004-cü il 31 avqust tarixli Sərəncamı ilə ətraf mühitin mühafizəsi, ondan səmərəli istifadə edilməsi, nəsli kəsilməkdə olan nadir flora, fauna növlərinin qorunub saxlanılması və ekoturizmin inkişaf etdirilməsi məqsədilə Xızı və Siyəzən rayonlarının ərazisində yaradılıb.

Altıağac Milli Parkı

“Füsunkar, unikal təbiətə malik olan və yaddaşlarda təbii peyzaj yaradan Altıağac Milli Parkının sıx meşəliklərlə örtülü ərazisində və çəmənliklərində insanı ilk növbədə hüzur gətirən görüntülər, oksigenlə zəngin təmiz hava qarşılayır.

Yüksək dağlıq və meşəlik landşafta malik olan və paytaxta yaxın məsafədə yerləşən milli parkda adları Azərbaycan Respublikasının “Qırmızı Kitabı”na daxil edilmiş qonur ayı, vaşaq, Avropa cüyürü, qara çalağan, Qafqaz bənövşəsi, itikənarlı süsən, eyni zamanda, Qafqaz palıdı, Qafqaz vələsi, Şərq fıstığı, Adi göyrüş, İtiyarpaqlı ağcaqayın, çöl donuzu, canavar, yenot, tülkü, dovşan, dələ, qırqovul, qaratoyuq, bildirçin, çöl qartalı və s. kimi flora və fauna növləri yayılıb”.

Altıağac Milli Parkı

F.Əliyev qeyd edib ki, Cənubi Qafqazda ilk və yeganə olan Vəhşi Təbiətin Bərpası Mərkəzi və Reabilitasiya Klinikası da milli parkın nəzdində fəaliyyət göstərir. Vəhşi təbiətdə yaralı halda rast gəlinən heyvan növləri bu mərkəzdə reabilitasiya olunaraq təbiətə buraxılır.

Altıağac Milli Parkı

“Zəngin biomüxtəlifliyə malik milli parkda müxtəlif yaş kateqoriyasına uyğun marşrutlar fəaliyyət göstərir ki, turistlər bu marşrutlar boyunca unikal təbiət mənzərələrini seyr edir, onlar üçün ayrılmış piknik yerlərində dincəlirlər.

İstirahətinizi açıq havada, təbiət gözəlliklərindən zövq alaraq maraqlı keçirmək istəyirsinizsə, Altıağac Milli Parkı yolunuzu gözləyir”.

Altıağac Milli Parkı

Paylaş »
››› Bakıda klinikada çəplik üçün əməliyyata girdi, görmə qabiliyyətindən oldu
››› Raketi görməyənlər, şəhid ailəsinin daşı ilə özünə tualet tikənlər – Qısası, İcra Hakimiyyətləri
››› “Məgər ölkəni satanlar elə təkcə rus sektorunu bitirənlərdir?”
››› FHN hava şəraiti ilə bağlı əhaliyə müraciət edib
››› İnsanlar beynini qida ilə sıradan çıxarır
››› Pandemiya ilə bağlı vəziyyət daha da ağırlaşır
››› Putinin istəyinə çatması Rusiyaya nəyin bahasına başa gələcək...
Son xəbərlər
Bütün xəbərlər »