Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Maliyyə naziri Samir Şərifov AİB Direktorlar Şurasında Azərbaycan üzrə İcraçı direktorla video-konfrans formatında görüş keçirib
Maliyyə naziri Samir Şərifov AİB Direktorlar Şurasında Azərbaycan üzrə İcraçı direktorla video-konfrans formatında görüş keçirib

İyulun 29-da maliyyə naziri Samir Şərifov Asiya İnkişaf Bankının (AİB) Direktorlar Şurasında Azərbaycan üzrə İcraçı direktor Antoni Makdonald ilə video-konfrans formatında görüş keçirib.

APA-nın xəbərinə görə, görüşdə Azərbaycan ilə AİB arasında əməkdaşlığın hazırki vəziyyəti və gələcək istiqamətləri barədə fikir mübadiləsi aparılıb, əlaqələrin uğurla inkişaf etdiyi vurğulanıb.

S.Şərifov ölkəmizin makroiqtisadi vəziyyəti, Prezident İlham Əliyevin rəhbərliyi altında hökumət tərəfindən həyata keçirilən tədbirlər, işğaldan azad edilmiş torpaqların bərpa və yenidənqurulması, pandemiya ilə mübarizə və onun ölkə iqtisadiyyatına təsirlərinin aradan qaldırılması ilə bağlı görülən işlər, habelə ölkədə yüksək templə aparılan peyvəndlənmə prosesi barədə məlumat verib.

Antoni Makdonald nazirin diqqətinə çatdırıb ki, AİB-nın Direktorlar Şurası Azərbaycan hökumətinin pandemiya dövründə riskləri düzgün təhlil edərək 2020-ci ildə həyata keçirdiyi qabaqlayıcı tədbirləri və bu günədək “COVID-19”la mübarizə sahəsində görülən işləri ölkənin daxili imkanları hesabına maliyyələşdirilməsini yüksək qiymətləndirib. O qeyd edib ki, məhz buna görə də koronavirus pandemiyasının tibbi, sosial, iqtisadi fəsadlarını yumşaltmağa dair Azərbaycan hökumətinin əhatəli planını həyata keçirməsinə kömək məqsədilə artıq 2021-ci ildə 250 milyon ABŞ dolları məbləğində kreditin ayrılmasına dair qərar bankın Direktorlar Şurası tərəfindən yekdilliklə dəstəklənib.

Görüşdə AİB-nın növbəti illərdə bir sıra mühüm istiqamətlər üzrə daxili siyasətlərin formalaşdırılması, o cümlədən yeni çağırışlara müvafiq bankın daxili satınalma qayda və prosedurlarına yenidən baxılması, ekoloji cəhətdən təmiz “yaşıl enerji”yə keçidin dəstəklənməsi çərçivəsi, “COVID-19” pandemiyasının davam etməsi şəraitində üzv ölkələrə əlavə olaraq göstəriləcək yardım proqramları və digər məsələlərə dair fikir mübadiləsi aparılıb.

Paylaş »
››› Sovet dövründən qalma baha sata biləcəyiniz 12 əşya
››› Təkbaşına bütün İngiltərə ilə döyüşən və dövlət quran adam...
››› “Azərbaycan öz müdafiəsini Ermənistandan daha güclü rəqiblərə qarşı qurur”
››› Sosial şəbəkələrdə videosu yayılan qazi ilə bağlı rəsmi açıqlama - Video
››› Xalq artistindən Maqsud Mahmudova sərt sözlər
››› “Paşinyan Ərdoğanla görüşüb müxtəlif vədlər verməklə vaxt qazanmaq istəyir”
››› “Ərdoğanın Moskva səfəri regiondakı gərginliyi azalda bilər”
Son xəbərlər
Bütün xəbərlər »