Fransada koronavirusa yoluxanların və ölənlərin sayı artmaqda davam edir.

Bizimyol.info xəbər verir ki, Fransa Səhiyyə Nazirliyinin verdiyi məlumata görə, son 24 saat ərzində 26 min 871 yeni yoluxma aşkar edilib. Ümumi olaraq yoluxanların sayı 6 milyon 26115 nəfərə çatıb.

Nazirlik, son sutka ərzində Covid-19 səbəbiylə 28 nəfərin öldüyünü və ümumi can itkisinin 111 min 637-ə çatdığını bildirib.

Qeyd edək ki, Fransada hazırda 978 nəfər reanimasiyada, 7137 nəfər isə ölkənin müxtəlif xəstəxanalarında müalicə olunur.

Leyla