Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“Çörəklə imtahana çəkilirik”
Mərcan Broyler MMC

Redaksiyamıza "Mərcan Broyler" MMC-nin işçiləri tərəfindən şikayət məktubu daxil olub. Maktubda bildirilir ki, bu müraciətin müəllifləri olan vətəndaşların əmək hüquqları pozulub və qanunsuz olaraq işlə, çörəklə imtahana çəkilirlər.

“Biz Ucar rayon ərazisində olan "Mərcan Broyler" MMC-də müəyyən müddətdir ki, nəzarətçi vəzifəsində işləyirik. Rəhbərlik bizə xəbərdarlıq edib ki, müddəti bitdikdə sizinlə təkrar əmək müqavilə bağlanmayacaq. Artıq 2 nəfər buna görə işsiz qalıb. Biz bunun səbəbini soruşduqda izahı belə verilir ki, ixtisar var. Ancaq heç bir iş ixtisarı yoxdur. Çünki hazırda əmək müqaviləsi bağlanılıb yeni şəxsləri işə qəbul edirlər. Əslində isə heç bir qanunu əsas olmadan bizi işdən çıxarmağı hansısa vəzifəli şəxs qarşısına məqsəd qoyub.

Belə ki, təxminən bir ay öncə “Mərcan Broyler”də soyducunun üzərində çəkisi 3 kq olan mis boru yoxa çıxdı. Buna görə rəhbərlik bizə bildirdi ki, bu sizin üçün ciddi nöqsandır işdən çıxarılacaqsınız.Biz etiraz edib bildirdik ki, ərazidə olan müşahidə kameralarına baxılsın həmin mis boru kimin tərəfindən götürülməsi müəyyən olunsun və hüquq mühafizə orqanları tərəfindən qanunu tədbirlər görülsün. Ancaq rəhbərlik bunu etmədi.

“Mərcan Broyler” MMC-nin qərarlarından narazı olan işçilərin sözlərinə görə, onlara sonradan məlum olub ki, misin oğurlanması hadisəsini rəhbərlik özü şəxsən edib ki, buna əsasən işçiləri işdən uzaqlaşdıra bilsin.

“Bundan sonra rəhbərlik bizi çağırıb xəbərdarlıq etdi ki, əmək müqavilənizin vaxtına az qalıb sizinlə yenidən əmək müqaviləsi bağlanmayacaq.

Biz bunu ədalətsizlik və qanunsuzluq hesab edirirk. Çünki "Mərcan Broyler" MMC -də işlədiyimiz müddətdə heç bir nöqsana yol verməmişik, rəhbərliklə və kollektivlə mehriban münasibətdə olmuşuq, verilən tapşırıqları layiqincə yerinə yetirmişik.

"Mərcan Broyler" MMC-nin rəhbrliyi bizə bildirir ki, sizinlə əmək müqaviləsinin təkrar bağlanmamasına tapşırığı baş idarə verib. Buna görə də biz mətbuat vasitəsi ilə məsələnin işıqlandırılmasına qərar verdik.

Bu müraciəti imzalayan Zamanov Seymur Məhərrəm oğlu 8 ildir "Mərcan Broyler" MMC-də nöqsansız işləyir və əmək müqaviləsinin müddəti 25 iyul 2021-ci ildə qurtarır himayəsində 2 uşağı var. Bacısı oğlu Cabbarov Oruc Akif oğlu vətən müharibəsində şəhid olub. Qədirov Yasin Qədir oğlu 1 il 8 aydır ki, işləyir əmək müqaviləsinin müddəti bu ayın sonunda başa çatır himayəsində 2 uşağı var, Hüseynov Ağahüseyn Ağahüseyn oğlu 3 ildir işləyir əmək müqavilısinin müddəti sentyabr ayında qurtarır himayəsində 2 uşağı var. İsmayılov Kamran Etibar oğlu 3 ildir işləyir əmək müqaviləsinin müddəti 24 avqustda tamam olur himayəsində 2 uşağı var. Qədirov Mansur Səfiqulu oğlunun əmək müqaviləsinin müddəti 26 avqustda qurtarır himayəsində 2 azyaşlı uşağı var. Həsənov Mikayıl İsrayıl oğlu 1 il 4 aydır işləyir himayəsində 1 azyaşlı uşağı var.

Əhədli Muxtar Şakir oğlunun isə əmək müqaviləsinin müddəti 14.07.2021-ci il tarixdə bitdiyi üçün onunla yenidən müavilə bağlanılmadı. İndi hazırda işsiz qalıb ancaq onun əvəzinə başqa şəxsə əmək müqaviləsi bağlanılmışdır. Əmisi Məmmədov Fikrət Əhəd oğlu 1-ci Qarabağ müharibəsində şəhid olub. Nəsirov Yadigar İlqar oğlununda müddəti bitsə də onunla yenidən əmək müqaviləsi bağlanılmadı onun əvəzinə başqa şəxs işə qəbul ediblər. Himayəsində 1 azyaşlı uşağı var.

Biz bilirik ki, belə qanunsuzluqlardan prezident cənab İlham Əliyevin və Mehriban xanım Əliyevanın xəbəri yoxdur. Çünki çoxlusayda ailə başçısının işindən etmək çörəksiz qoymaq ciddi qanunsuzluqdur özbaşınalıqdır. Bizim himayəmizdə azyaşlı uşaqlarımız var, ailədə bizdən başqa işləyib evə çörək gətirən yoxdur. "Mərcan Broyler" MMC-nin rəhbərliyinin bu addımı çoxlusayda ailəni aclıqdan məhv etməkdir.

Əgər ixtisar varsa, nə üçün yeni işçilərlə əmək müqaviləsi bağlanılır? Yox əgər yoxa çıxarılmış 3 kq mis boruya görə edilirsə, bunu müşahidə kameralarına baxıb müəyyən etsinlər.

Hansısa bizə məlum olmayan səbəblərə görə bizimlə təkrar əmək müqaviləsi bağlamaq istəmirlərsə, açıb desinlər biz onlarla razılaşaq başımıza çarə tapaq.

Onların bu qanuna zidd hərəkətləri Azərbaycan Respublikasının Əmək Məcəlləsinin tələblərini kobud şəkildə pozur hüquqlarımızı tapdayır. Biz mətbuat vasitəsi ilə Prezident cənab İlham Əliyevə və Mehriban xanım Əliyevaya müraciət ünvanlayıb xahiş edirik ki, bizim işdən çıxarılmağımızın qarşısını alıb təkrar əmək müqaviləsi bağlanılması üçün "Mərcan Broyler" MMC-nin rəhbərliyinə göstəriş verəsiniz. Bizim bir ümüd yerimiz sizsiniz, xahiş edirik müraciətimizi obyektiv araşdırıb bizə köməklik göstərəsiniz”.

Qarşı tərəfin mövqeyini dərc etməyə hazırıq.

Leyla Mirzə

Paylaş »
››› “Ölmək ölməkdir, normal üsulla ölün” - Ekspertdən qadınlara məsləhət
››› Tanınmış telejurnalist həkimi məhkəməyə verdi
››› İsrail alimləri koronavirusin qarşısını alan dərman tapıblar
››› Hökumət 7 aydır tibbi sığorta adı ilə pul yığır, əvəzində heç nə vermir
››› Yeni qapanmaya doğru qulaqçəkmə əməliyyatı
››› Prezidentdən Nəcməddin Sadıxovun yerinə yeni təyinat: "Orduda islahatlar olacaq"
››› Yollardan istifadə qaydaları əleyhinə inzibati xətalara görə cərimə ödəniləcək
Son xəbərlər
Bütün xəbərlər »