Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Prokuror Ermənistan tərəfdən döyüşən əcnəbi muzdluya 11 il cəza istəyib
Məhkəmə

Bu gün Bakı Ağır Cinayətlər Məhkəməsində Ermənistan tərəfindən Qarabağda qanunsuz silahlı birləşmələrin tərkibinə cəlb olunmuş Rusiya vətəndaşı Dubakov Eduard Sergeyeviç barəsində cinayət işi üzrə məhkəmə prosesi davam etdirilib.

Trend-in məlumatına görə, hakim Samir Əliyevin sədrliyi ilə keçirilən prosesdə hakim məhkəmə istintaqının başa çatdığını elan edib və Ermənistan tərəfdən döyüşən əcnəbi muzdluya 11 il cəza istəyib.

Dövlət ittihamçısı bildirib ki, məhkəmə istintaqında Eduard Dubakovun ittihamları təstiqini tapıb. Prokuror buna görə də təqsirləndirilən şəxsin 11 il azadlıqdan məhrum edilməsini, cəzasını tam çəkdikdən sonra dərhal ölkə hüdudlarından çıxarılmasını istəyib.

Prosesdə müdafiə çıxışı edən təqsirləndirilən şəxsin vəkili bildirib ki, Eduard Dubakov Ermənistan tərəfdən işğal altında olan Azərbaycan ərazilərində hərbi təlimlərdə iştirak etsə də, Azərbaycan Silahlı Qüvvələrinə qarşı döyüşməyib. Vəkil bu faktların yüngülləşdirici hal kimi nəzərə alınmasını istəyib.

Hakim təqsirləndirilən şəxsə son söz demək üçün vaxt istəyib.

Proses iyulun 22-də davam edəcək.

İttihama görə, Eduard Dubakov Azərbaycanın işğalda olan torpaqlarına qanunsuz səfər edərək Kəlbəcər rayonu ərazisində hərbi təlimlərdə iştirak edib.

O bu il yanvarın 14-də terror-təxribat törətmək məqsədilə Türkiyədən Bakıya gəlib. Keçirilən əməliyyat nəticəsində E. Dubakov saxlanılıb.

Dubakov Eduard Sergeyeviç barəsində Azərbaycan Cinayət Məcəlləsinin 214-3.1 (terrorçuluq, terrorçuluğu maliyyələşdirmə), 218.2-ci (Cinayətkar birlikdə (təşkilatda), habelə mütəşəkkil dəstələrin təşkilatçılarının, rəhbərlərinin və ya sair nümayəndələrinin birliyində iştirak etmə), 318.2-ci (Azərbaycan Respublikasının dövlət sərhədini qanunsuz olaraq keçmə) maddələri ilə cinayət işi başlanıb.

Paylaş »
››› “Ölmək ölməkdir, normal üsulla ölün” - Ekspertdən qadınlara məsləhət
››› İsrail alimləri koronavirusin qarşısını alan dərman tapıblar
››› Tanınmış telejurnalist həkimi məhkəməyə verdi
››› Yeni qapanmaya doğru qulaqçəkmə əməliyyatı
››› Hökumət 7 aydır tibbi sığorta adı ilə pul yığır, əvəzində heç nə vermir
››› Prezidentdən Nəcməddin Sadıxovun yerinə yeni təyinat: "Orduda islahatlar olacaq"
››› Deputat və ruhanilər öz işini görsəydi...
Son xəbərlər
Bütün xəbərlər »