Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Apellyasiya məhkəməsi Mübariz Mənsimovun 5 illik həbs cəzasını qüvvədə saxladı
Mübariz Mənsimov

İstanbul Regional Ədliyyə Məhkəməsi 3-cü Cəza Dairəsi Mübariz Mənsimova yerli məhkəmə tərəfindən Fətullahçı Terror Təşkilatı (FETÖ) çərçivəsində "iyerarxik struktura daxil olmamaqla təşkilata qəsdən yardım etmək" cinayətinə görə verilən 5 illik həbs qərarını qanuna uyğun sayıb.

Beləliklə, İstanbul 27-ci Ağır Cinayət Məhkəməsi tərəfindən Mübariz Mənsimova martın 5-də verilən cəza qüvvədə saxlanılıb, yəni, Mənsimovun apellyasiya şikayəti təmin edilməyib.

Habelə, İstanbul Region Ədliyyə Məhkəməsi 3-cü Cəza Dairəsinin sənədlər üzərindən apardığı təhlildən sonra verdiyi qərarda Mənsimova verilən 5 illik həbs cəzası ilə bağlı qərarın qanunazidd olmadığını bəyan edib.

Dəlil və prosesdə hər hansısa çatışmazlığın olmadığı, sübut baxımından dəyərləndirmənin də yerində olduğu qeyd edilən qərarda bu səbəbdən təqsirləndirilən Mübariz Mənsimovun vəkillərinin irəli sürdüyü səbəbləri düzgün saymayaraq apellyasiya müraciətinin rədd edilməsinə qərar verilib.

Qərarda təqsirləndirilən Mübariz Mənsimov haqqında "ölkədən çıxış qadağası"nın davam etdiyi vurğulanıb.

Xatırladaq ki, İstanbul Cümhuriyyət Baş Prokurorluğunun hazırladığı ittihamnamədə M.Mənsimovun “FETÖ terror təşkilatının üzvü olmaq” cinayətilə 7 il 6 aydan 15 ilə qədər həbslə cəzalandırılması tələb edilmişdi.

İstanbul 27-ci Ağır Cəza Məhkəməsi bu il martın 5-də açıqladığı qərarla M.Mənsimova 5 il həbs cəzası vermişdi. Məhkəmə onun həbsdə keçirdiyi müddəti və aldığı cəzanın miqdarını nəzərə alaraq onun barəsində “ölkədən çıxma qadağası” tədbirləri görülməsinə qərar vermişdi.(ölkə.az)

Paylaş »
››› Türkiyədəki yanğınların təxribat olduğunu təsdiqləyən görüntülər - Video
››› Türkiyəyə kimlər od vurdu: Hədəf Ərdoğandır, yoxsa dövlətin özü...
››› “Patı” mafiyası, yoxsa, agentura: “Planlı işləyirlər”
››› 20 yaşlı gənc eyni toyda iki gəlinlə evlənib - Video
››› Alovun içində üzümüzü ağ edənlər: Azərbaycan qardaş ölkəyə necə dəstək verir...
››› "Zaman dəyişsə də, Türk qadını dəyişmədi" - Foto
››› Avqustun 3-nə olan hava proqnozu
Son xəbərlər
Bütün xəbərlər »