Quba rayonunda fərdi yaşayış evi yanıb.
Bizimyol.info xəbər verir ki, Fövqəladə Hallar Nazirliyinin mətbuat xidmətindən verilən məlumata görə, rayonun Zərqava kəndində ümumi sahəsi 160 m² olan ikimərtəbəli 6 otaq və 2 aynabənddən ibarət evin yanar konstruksiyaları və ev əşyaları yanıb. Yanğın zamanı 2 nəfər yanıq xəsarəti alıb. Yaxınlıqdakı tikililər yanğından mühafizə olunub.
Yanğın yanğından mühafizə bölmələri tərəfindən söndürülüb.
Daha bir yanğın hadisəsi paytaxta baş verib.
Bakı şəhərinin Səbail rayonunda ümumi sahəsi 240 m² (hər mərtəbəsi 80 m²) olan üçmərtəbəli çörəkbişirmə sexinin 2-ci mərtəbəsində 3 ədəd soba yanıb. Sex yanğından mühafizə olunub.
Yanğın yanğından mühafizə bölmələri tərəfindən söndürülüb.