Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Ərdoğan Bakıda dünya çempionu adını qazanan idmançını təbrik etdi - Video
Rəcəb Tayyib Ərdoğan

Türkiyə Prezidenti Rəcəb Tayyib Ərdoğan Bakıda keçirilən Aerobika Gimnastikası üzrə XVI Dünya Çempionatında qızıl medal qazanaraq, dünya çempionu olmuş Türkiyə gimnastına zəng edib.

“Report” xəbər verir ki, dövlət başçısı ilk öncə Türkiyə Gimnastika Federasiyasının rəhbərliyi ilə telefonla danışaraq, komandanın uğur qazanması ilə maraqlanıb. Rəcəb Tayyib Ərdoğan sonra qadın gimnastların fərdi proqramında qızıl medal qazanan Ayşe Onbaşı ilə danışaraq onu təbrik edib.

Qeyd edək ki, Aerobika Gimnastikası üzrə XVI Dünya Çempionatı Azərbaycanda ilk dəfə təşkil edilib. Türkiyə təmsilçisi Ayşe Onbaşı qadın gimnastların fərdi proqramında 21.850 xal toplayaraq, qızıl medal sahibi olub.

Bakıda Milli Gimnastika Arenasında aerobika gimnastikası üzrə dünya çempionatı mayın 26-da başlayıb.

Yarışların birinci günündə üçlük proqramında, qadınlar arasında fərdi proqramda və aerostep üzrə təsnifat mərhələsi keçirilib.

Aerobika gimnatikası üzrə 16-cı dünya çempionatı Azərbaycan Gimnastika Federasiyasının 2021-ci ildə təşkil etməyi planlaşdırdığı irimiqyaslı yarışlardan biridir.

Yarışda 22 ölkədən 166 idmançı çıxış edir. Üç gün davam edəcək çempionatda gimnastlar fərdi qadın və kişi, qarışıq cütlük, üçlük, qrup, həmçinin aero dans və aero step proqramlarında yarışacaqlar. Qaydalara əsasən, bir iştirakçı bu kateqoriyaların maksimum üçündə çıxış edə biləcək. Çempionatda hər bir kateqoriya üzrə təsnifat və final mərhələləri baş tutacaq.

Paylaş »
››› Rusiyanın hava yolları xidməti Azərbaycanın vergi xidmətini məhkəməyə verib
››› Şənbə və bazar günləri üçün avtobusların iş qrafiki məlum oldu
››› Ərdoğan Türkiyədən Liviyaya səfərlə bağlı təcili təlimat verib
››› Sabah avtobuslar işləyəcək
››› Putin 56 nəfərə general rütbəsi verib
››› Azərbaycanda son sutkada koronavirusa yoluxanların sayı açıqlandı
››› Paşinyan: Azərbaycan və Rusiya ilə birlikdə Kəlbəcər-Sotk sərhədindəki problemin yekun həllinə yaxınlaşırıq
Son xəbərlər
Bütün xəbərlər »