Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Qarabağda sülh “sülhsevər” Avropanı narahat edib: "Bu münaqişə onlara lazımdır"
Erməni əsirlər

Avropa Parlamenti Azərbaycanın Ermənistan hərbçilərini "təcili və şərtsiz" azad etməsi ilə bağlı qətnamə qəbul edib.

Avropa Parlamentinin cümə axşamı keçirdiyi plenar iclasında qəbul etdiyi qətnamədə tələb olunur ki, münaqişə zamanı və sonra saxlanan bütün hərbi və mülki şəxslər "təcili və şərtsiz" azadlığa buraxılsın.

Qətnamədə həmçinin Azərbaycanın paytaxtı Bakıda açıqlanan Hərbi Qənimətlər muzeyinin açılması və burada Ermənistan həbrçilərinin obrazlarının quraşdırılması qınanılıb. İşğalçı bir dövlətə müraciət edirmiş kimi səsləndirilən bu tələblərin qərəzli olması göz önündədir.

Avropa Parlamentinin bu birtərəfli yanaşması cəmiyyətimiz tərəfindən hiddətlə qaşılanıb.

Milli Dirçəliş Hərəkatı Partiyasının sədri, Fərəc Quliyev bizimyol.info ya bildirib ki, Avropa Parlamenti əslində Azərbaycanın humanist və mülayim rəftarından cəsarətlənib həddini aşır.

Fərəc Quliyev Fərəc Quliyev

“Bizim ölkəyə soxulub terror aktı törədənlərin bizdən istənilməsinin adını qoya bilmirəm. Mən üz tuturam Avropa Parlamentinə. Siz bu gün hansısa İŞİD, PKK, Əl-Qaidə, Taliban terrorçusunu həbs eləsəniz, kimsə onların azad edilməsini tələb etsə, verərsinizmi? Belə çıxır ki, terrorçuya hərbi əsir adı qoyaq, istəyən də istədiyi cinayəti törətsin, cəzasızlıq sindromu baş alıb getsin? Terrorizm anlayışında güzəşt olmur. Barışmaz mövqe olmalıdır.

Ermənistan müxalifəti, revanşistlər deyirlər ki, Hadrutu, Şuşanı qaytaracağıq. Şuşa, Hadrut bizim beynəlxalq qanunvericiliklə tanınmış ərazilərimizdir. Bu o deməkdir ki, biz gəlib Şuşanı işğal edəcəyik deyirlər, birbaşa təhdiddir. Bölgədə separatizmi stimullaşdırmaq üçün zəmin yaradırlar. Gedin dava edin, biz sizi hərbi əsir kimi geri qaytaracağıq deyirlər. Çünki bu münaqişə onlara lazımdır. Hətta Ter-Petrosyan deyir ki, bu xalqın sonu məyusluqla bitəcək. Yəni o anlayır ki, ermənilər real olmayan xülyalardan çəkinməsələr, onları tamamilə parçalanma gözləyə bilər. Bu gün söhbət artıq Qarabağdan getmir. Top bizim meydandan çıxıb, Ermənistan ərazilərindədir. Putin də demişdi ki, Sovet respublikaları ayrılarkən hamısı daxil olduqları mövcud olan xəritələrlə ayrılmalıdırlar. O xəritələrə əsasən, Kərki, Qazağın 7 kəndi, Zəngəzur qeyri-şərtsiz boşalmalıdır. Avropa Parlamenti danışırsa, bunu da danışsın.

Sərhədlərin delimitasiyası barədə danışarkən İranın verdiyi bəyanatlara da münasibət bildirən partiya sədri bunları söylədi:

“İran 30 il ərzində bizim sərhədlərimiz işğal altında olanda bir dəfə səsini çıxarmadı, indi sərhədlərində baş verənlərdən niyə narahatlıq ifadə etməlidir. O bizim sərhədlərimizi pozub, silah, yük daşınmasına yol verib, istənilən təxribata yol verib, biz də göz yummuşuq. Bu gün yenə də qonşu dövlətlərlə problem yaranmasın deyə güzəştlə davranırıq. Amma nə suverenliyimizdən, nə torpaqlarımızdan güzəşt edəsi deyilik”.

İlhamə Rəsulova

Paylaş »
››› COVİD pasportu ilə bağlı anlaşılmazlıq: Xəstəliyi evdə keçirənlər bunu necə sübut etsin...
››› İki adam üçün bir gecəsi 199 manat... – Azərbaycanda turizm tragikomediyası
››› "İş adamından o qədər rüşvət alırlar ki..." - Deputat
››› Şəhid atası: "Deputat söz verib, amma..." - Fotolar
››› “Yaxşı övlad idi, arzuları çox idi balamın - sevdiyi qız da vardı” - Video
››› "Turan qapısı"nın açılmasını hansı ölkələr dəstəkləyir...
››› Çinin Azərbaycana gəlişindən kim udar, kim uduzar...
Son xəbərlər
Bütün xəbərlər »