Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Zəngəzurda gərginlik: “Azərbaycanlılar gölün yanındadır” – Ermənistan mətbuatı
Zəngəzurdan görüntü (Gorus)

Qaragöl ətrafında gərginlik səngimir. Əksinə, Zəngəzurdakı su hövzəsi uğrunda yenə qarşıdurma yaranıb. Ermənistan mətbuatı həyəcanlı xəbərlər paylaşır. Azərbaycanın xeyli irəliləməsi yazılır. Məsələ o qədər ciddiləşib ki, baş nazir Nikol Paşinyan açıqlama verməli olub.

Bizimyol.info xəbər verir ki, Ermənistan mətbuatı hələ mayın 12-də Azərbaycan hərbçilərinin Qızılcıq kəndi istiqamətində 3 km irəliləməsini yazmışdı. Bizimkilərin əsas məqsədinin Ermənistanda “Sev liç” adlandırılan Qaragölə nəzarəti tam ələ keçirmək olduğu bildirilirdi. Ermənistan mətbuatı yazırdı ki, Laçın və Gorus rayonlarının sərhədində yerləşən su hövzəsinin yalnız 30 faizi Azərbaycanın olmalıdır.

Mayın 13-də gərginlik bir az da artıb. Məsələ Ermənistan portallarının əsas xəbərinə çevrilib. Yazılanlara görə, Azərbaycan tərəfi göl ətrafında müəyyən iş aparmağa başlayıb. Qarşıdurma da bundan sonra yaranıb. Ermənistan tərəfi iddia edir ki, azərbaycanlılar sərhədlərin müəyyənləşdirilməsi adıyla bölgədə böyük işlər planlaşdırır.

Gorus icmasının rəhbəri Aris Aruşanyan mətbuata açıqlama verib. O deyib ki, azərbaycanlılar geri çəkilmək istəmir. “Hələ də oradadırlar. Danışıqlar gedir. Amma danışıqların müsbət nəticələnəcəyinə söz vermək olmur. Danışıqları 1-ci korpusun hərbçiləri aparır”.

“Bəs hökumət nə deyir?” sualı Aruşanyanı özündən çıxarıb: “Bizdə hökumət var məgər?..”

Paşinyan Qaragöl ətrafında vəziyyətin gərgin olaraq qaldığını bildirib. Ermənistan baş naziri azərbaycanlı hərbçiləri təxribat törətməkdə ittiham edib: “Atışma olmayıb. Hər şeyi əvvəldən planlaşdırıblar. Saxta xəritə ilə gəlirlər ki, göl bizimdir”.

Ermənistanın baş prokuroru Qor Abramyan da Qaragöl ətrafında baş verənlərə görə narahatlıq ifadə edib. O, vacib tədbirlər görülməli olduğunu söyləyib. Ermənistan Təhlükəsizlik Şurası Zəngəzurdakı hadisələrlə bağlı təcili iclas keçirib. Orada Ermənistanın ərazi bütövlüyünün pozulması müzakirə edilib.

Azərbaycanın Qızılcıq kəndi istiqamətində 3 km irəliləməsi xəbərini hamıdan əvvəl Gorus meri vəzifəsini müvəqqəti icra edən İrina Yolyan yaymışdı. O, “Facebook” səhifəsində azərbaycanlıların kəndə çox yaxınlaşdığını yazmışdı.

Paylaş »
››› Bakıda cinsi azlıqların bayrağını əks etdirən oyuncaqlar yayılıb - Foto
››› İranın yeni prezidenti bəlli oldu - Foto
››› İki övladı olan şəhidin ailəsi Bakıda yeni ikiotaqlı mənzillə təmin edilib
››› “Gürcüstan və Ukrayna NATO-ya üzv ola bilər” – Qərb mətbuatı
››› Melikyan “Şuşa Bəyannaməsi” barədə: “Rusların Qarabağda uzun müddət qalması şübhəli görünür”
››› Rusiyada təyyarə qəzası: ölənlər və yaralılar var - Video
››› Qarabağ münaqişəsini kimlər yenidən başlatmaq istəyir?..
Son xəbərlər
Bütün xəbərlər »