Kolumbiyanın paytaxtı Boqotada etiraz aksiyasının iştirakçıları Konqresin aşağı və yuxarı palatalarının nümayəndələrinin iclasının keçirildiyi yerli Kapitoli binasına zorla girməyə çalışıblar.
“Report” xəbər verir ki, bu barədə senator Maurisio Toro özünün tvitterdəki səhifəsində bildirib.
Toronun sözlərinə görə, etirazçıların binaya soxulmaq cəhdinə görə deputatları təhlükəsizlik baxımından Konqresdən təxliyə etmək lazım gəlib.
Boqota meri Klaudia Lopesin sözlərinə görə, etirazçıların bir hissəsi Kapitolinin hasarını dağıdıb, amma polisin xüsusi dəstəsi onları sıxışdırmağa müvəffəq olub. Mer həmçinin Konqres üzvlərini belə zorakılıqla əlaqədar gənclərlə dialoqa getməyə çağırıb.
Qeyd edək ki, Kolumbiyada etirazlarda iştirak etmiş 89 nəfər itkin düşüb.
Kolumbiya nümayişlər vergi islahatına cavab olaraq başlanıb. Nəticədə Boqotada, Kalidə, Medelinada, həmçinin digər şəhərlərdə qarışıqlıqlar müşahidə olunub. Aprelin 30-da ölkə hakimiyyəti islahat proqramının mətnini dəyişdirməyə razı olub. Lakin aksiyalar səngimək bilmir.
Kolumbiya paytaxtında aksiyalara görə koronavirusa qarşı vaksinasiya da dayandırılıb.
?ATENCIÓN?
Hace unos momentos tuvimos que evacuar las instalaciones del Congreso por seguridad, ya que algunos manifestantes estaban intentando ingresar.
¡No permitamos que la violencia silencie la protesta! #NoMasViolencia #ProtestaPacifica pic.twitter.com/LkTKTpXQrp
— Mauricio Toro (@MauroToroO) May 5, 2021
