Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“ABŞ diplomatik böhranın həlli təklifimizi rədd etdi” - Lavrov
Sergey Lavrov

“ABŞ-a diplomatik qarıdurmanı “sıfırlamağı” təklif etdik, ancaq yeni administrasiya problem davam etdirməyə üstünlük verdi”.

“Qafqazinfo” xəbər verir ki, bunu “Sputnik”ə açıqlamasında Rusiya xarici işlər naziri Sergey Lavrov deyib.

“Bu, təkcə bizə bağlı olsaydı, bəlkə də, çoxdan normal əlaqələrə qayıtmış olardıq. İlk və məncə, qətiliklə aydın və çətin olmayan addımdır.

Rusiyanın ABŞ-dakı diplomatların fəaliyyətini məhdudlaşdırmağa yönəlmiş tədbirləri sıfırladıq, hansı ki, bu tədbirlərə cavab olaraq biz də ABŞ-ın Rusiyadakı diplomatlarının fəaliyyətini məhdudlaşdırmışdıq”, - XİN rəhbəri bildirib.

O qeyd edib ki, ABŞ Prezidenti Co Bayden and içib vəzifəsinin icrasına başladıqdan sonra administrasiyasına bu təklifi ediblər:

“Bunu ABŞ dövlət katibi Entoni Blinkenə xatırlatdım. Təlqin etmədən. Sadəcə, normal işləyə bilməyimiz üçün ən aydın addımın prezidentlik vəzifəsindən ayrılmadan iki həftə öncə qapını çırparaq və hirsini çıxararaq, bütün Vyana sazişlərini tapdayaraq, Rusiya mülkiyyətinə əl qoyan və Rusiya diplomatlarını deportasiya edən Barak Obamanın başlatdığı hər şeyi sıfırlamaq olduğunu söylədim”.

Lavrov vurğulayıb ki, Baydenin andiçməsindən sonra Blinkenlə görüşü “xoşniyyətli, sakit və praqmatik” keçib:

“Diplomatik missiyaların fəaliyyətindən başlayaraq, strateji sabitliyə qədər bir çox mövzuda qarşılıqlı olaraq qəbulu mümkün anlaşmalar axtardığımızın başa düşülməsi şərti ilə əlaqələri yenidən başlatmağa hazır olduğumuzu qeyd etdim.

Sonra zəncirvari reaksiyalar başladı. Bu arada, biz uzun müddət səbr etdik. 2017-ci ilin yay aylarına qədər gözlədik.

Amma Tramp administrasiyası vəziyyəti normal məcraya qaytarmadı. Buna görə biz az-çox eyni şəkildə qarşılıq vermək məcburiyyətində qaldıq. Amma amerikalılar sakitləşmədi. Bayden administrasiyasının da bu yamacda sürüşməyə davam etdiyini görürük”.

Paylaş »
››› Dmanisidə son vəziyyət: “Polis qarşısını ala bilmir, şəhərə giriş-çıxış bağlanıb”
››› “Svanların Dmanisidə azərbaycanlılara hücumu təxribatdır”
››› “İdeal” rəhbərinin anası: “Bundan sonra təhdidlər, həbs xəbərdarlığı başladı...”
››› “Dərman yazıb resepti dolduran həkimlərə inanmayın”
››› Rusiya Yerevanı məyus etdi: Türkiyə Ermənistanı yumşaq güclə dəyişəcək
››› Qanunsuz qrupların Qarabağdan çıxması, dəhlizin açılması - Zəngəzurda daha nələr müzakirə olunur...
››› Ermənistanda sakinlər Gümrü-Yerevan avtomobil yolunu bağlayıb
Son xəbərlər
Bütün xəbərlər »