Krallıq ailəsini tərk edərək həyat yoldaşı Meqan Marklla birlikdə ABŞ-da yaşayan Böyük Britaniya şahzadəsi Harri babası, Edinburq hersoqu II Filipin dəfn mərasimində iştirak etmək üçün ölkəsinə qayıtmağa hazırlaşır.

“Qafqazinfo” xəbər verir ki, bu barədə “Daily Mail” məlumat yayıb. Qeyd edilir ki, Harri sərhədi keçmək üçün müəyyən çətinliklərlə qarşılaşa bilər. Belə ki, ABŞ-da karantin qaydalarına görə, Harri uçuşdan əvvəl 5 gün özünütəcrid rejimində olmalıdır.

Qeyd edək ki, Şahzadə II Filip bu gün dünyasını dəyişib. Onun iyunda 100 yaşı tamam olacaqdı.