Bakıda, “Azərsu” ASC-nin əməkdaşı intihar edib.
Qurum əməkdaşı, 1987-ci il təvəllüdlü Elxan Quliyev çalışdığı Səbail rayonu ərazisində yerləşən Su Kanal İdarəsində intihar edib.
Onun Su Kanal İdarəsində maşinist işlədiyi bildirilir. İntiharın hansı səbəbdən baş verdiyi bilinmir.
Faktı oxu.az-a “Azərsu” ASC-nin mətbuat xidmətinin rəhbəri Anar Cəbrayıllı təsdiq edib:
"Onun iki azyaşlı övladı var. E.Quliyev nizam-intizamlı işçi olub".
Faktla bağlı Səbail Rayon Prokurorluğunda araşdırma aparılır.