Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Azərbaycan Ombudsmanı Türkiyədən ölkəmizə dəvət olunmuş psixoloqlarla görüşüb
Səbinə Əliyeva

Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Türkiyə Respublikasından ölkəmizə dəvət olunmuş bir qrup peşəkar klinik-psixoloq və psixoterapevt mütəxəssislərlə görüş keçirib.

Ombudsman Aparatının Mətbuat xidmətindən APA-ya verilən məlumata görə, həmin mütəxəssislər 44 günlük Vətən Müharibəsi və erməni terroru nəticəsində fiziki və mənəvi zərər çəkmiş hərbi qulluqçularımız və onların ailələrinə psixoloji yardım göstərilməsi məqsədi ilə Azərbaycana səfərə gəliblər.

Görüş zamanı Ombudsman Səbinə Əliyeva bu məqsədlə ölkəmizə səfər etdiklərinə və dəvətini qəbul edərək Ombudsman Aparatında görüşdə iştirak etdiklərinə görə Türkiyəli mütəxəssislərə təşəkkürünü bildirib.

Həkim-psixoloqlar dəvətə və göstərilən diqqətə görə Ombudsmana minnətdarlıq ediblər. Qeyd olunub ki, Vətən müharibəsi dövründə qardaş ölkənin xalqımıza olan mənəvi dəstəyi Azərbaycanla Türkiyə arasında dostluq və qardaşlıq əlaqələrinin möhkəm olmasının daha bir sübutudur.

Habelə görüşdə iştirak edən qonaqlar Ermənistan silahlı qüvvələri tərəfindən uşaq, qadın və yaşlılar da daxil olmaqla qətlə yetirilmiş azərbaycanlı mülki şəxslər, o cümlədən ziyan dəymiş mülki obyektlər barəsində məlumatlandırılıb.

Yekun olaraq, Ombudsman tərəfindən qonaqlara təsisatın loqosu əks olunmuş xatirə hədiyyələri və sertifikatlar təqdim olunub.

Paylaş »
››› ABŞ və Türkiyə Rusiyanı Qarabağdan necə sıxışdırıb çıxaracaq... - Rusiya mətbuatı
››› Rusiya 120 min azərbaycanlını geri göndərmək istəyir
››› Diaspor Komitəsinin keçmiş sədrinə məxsus bahalı əmlak əlindən alındı
››› Nazim İbrahimov haqqında sensasiyalı iddialar
››› Rusiya Türkiyənin Ukraynaya dəstəyindən narazılığını bildirib
››› Türkiyə səfiri Azərbaycanı tərk edib
››› Azərbaycanda son sutkada koronavirusa yoluxanların sayı açıqlandı
Son xəbərlər
Bütün xəbərlər »