Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Həkim karantin rejiminin sərtləşdirilməsini istəmir: “SMS icazə sisteminə keçiləcəksə, insanlar artıq burda başqa niyyət axtarmağa başlayacaq”
Telefon SMS

Pandemiyaya qarşı mübarizənin iki yolu var. Birincisi vaksindir, ikincisi qapanmadır.

Vaksin tətbiq edilsə də, statistikaya əsasən son günlər yoluxma və ölüm hallarının artdığı müşahidə edilir.

Gözlər ölkədə epidemioloji vəziyyəti dəyərləndirib qərar verən qurum Nazirlər Kabineti yanında Operativ Qərargahına dikilib. Yoluxmaların artması qapanma zərurətini yaratması insanları narahat edir. Novruz bayramı yaxınlaşdıqca yenidən karantın məhdudiyyətlərinin tətbiq edilib-edilməyəcəyi ən çox müzakirə edilən məsələlərdəndir.

Müşfiq Hüseynov Müşfiq Hüseynov

Həkim-farmakoloq Müşfiq Hüseynov Bizimyol.info-ya bildirib ki, karantin rejimini sərtləşdirmə bəhanəsi üçün yenə statistikaya müraciət edirlər, yəni xəstə sayının artması əsas götürülür: “Bizdəki statistikanın nə qədər düzgün olması isə şübhəlidir. Elementar misal, iki gün əvvəl test sayı 8500 idi, xəstə sayı 500. Dünən test sayı 10500 oldu, xəstə sayı 600 qalxdı. Bunu elə təqdim edirlər ki, sanki dünyanın sonu gəlib. Sabah 15000 test keçirdilsə, təbii ki, say 1000-1200 olacaq. Bu rəqəmlə oynamaqdan başqa bir şey deyil.

Mənim üçün Nazirlər Kabineti yanında Operativ Qərargahın məlumatı əsas deyil. Əsas göstərici aptek və dərman şəbəkəsində artan tələbatdır. Çünki bizdə əhalinin çox böyük hissəsi evdə müalicə olunur. Hələ ki, apteklərdə belə bir ajiotaj yoxdur. Deməli, heç bir fəlakətli durum da yoxdur”.

M.Hüseynov bildirib ki, peyvənd olunan insanların sayının çoxluğu 3-cü dalğa ilə birbaşa əlaqəlidir: “Bizdə bu günə peyvənd sayı 500 minin altındadır. Deməki heç 5% də deyil. İş çox aşağı sürətlə aparıldı. Səbəbini bilmirəm, ya ölkəyə gətirirlən peyvənd sayı az idi, ya da insanlar hələ də vurduraq-vurdurmayaq dilemması arasında qalmışdı. Pandemik ocağın sönməsi üçün aşağısı 60% əhali ya xəstələnib sağalmalı, ya da peyvəndlənməlidir. Bizdə o qədər say yoxdur və olmayıb. Karantin rejimini sərtləşdirmək üçün yenə statistikaya müraciət edirlər, yəni xəstə sayının artması əsas götürülür.

Qapanmağa gərək varmı? Əlbətttə yox! Bayram günlərində ictimai nəqliyyatın işləməsi yetərlidir ki, vəziyyət idarə olunsun. Ay sonuna kimi SMS icazə sisteminə keçiləcəksə, insanlar artıq burda başqa niyyət axtarmağa başlayacaq. Çünki bunun üçün heç bir səbəb yoxdur. Pamdemiya bizimlə il sonuna kimi bu və ya digər şəkildə gedəcək, bundanq qaçış yoxdur. Onsuz da 1 ildir iqtisadiyyat iflic olub. Bunu il sonuna kimi uzatmağın nə mənası var? 7-10 gün ərzində üçüncü dalğa zirvəyə çıxacaq, o da bayram ərəfəsinə düşür, 7/8 gün tətil elan edilib ictimai nəqliyyatı tam dayandırmaq yetərlidir”.

Qubad İbadoğlu Qubad İbadoğlu

İqtisadçı-ekspert Qubad İbadoğlu bildirib ki, Azərbaycan hakimiyyətinin pandemiya ilə əlaqəli atdığı sistemsiz addımlar əksər sektorlarda biznesi çökdürür: “Yenə də iqtisadi və sosial nəticələrini düşünmədən COVİD-ə yoluxanların sayının artımı səbəbindən iqtisadiyyatın bir sıra sahələri üzrə işgüzar fəaliyyətin dayandırılmasına sövq edən ictimai rəy formalaşdırılır, bəzi həkimlərin təşkil olunmuş müsahibələri vasitəsilə 2 həftəlik sərt karantin rejiminin tətbiqi zərurəti əsaslandırılır”.

Paylaş »
››› Generaldan generala şikayət: “Deyir naxçıvanlıyam, mənə heç nə etməzlər”
››› Zeynəb Xanlarovanın bacısı oğlu tutulub: Qoca qadınlara qarşı dələduzluq ittihamı - Video
››› Kamil Zeynallı Qarabağ qazisini Maştağada dispanserə yerləşdirdi - Video
››› Boş qalmış dəbilqələrə bir də dolu tərəfdən baxın
››› "Şəxsiyyət vəsiqəmə öz şəklini vuraraq 2,5 milyon dollarımı mənimsəyib" - Video
››› Videosu yayılan qazini dövlət nəzarətə götürdü - Video
››› AZAL-ın “möcüzə”si: İslandiyadan Türkiyəyə Azərbaycandan daha ucuz gedib-gəlmək olur
Son xəbərlər
Bütün xəbərlər »