Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
MDB PA-nın komissiya iclaslarında
Bəxtiyar Əliyev

Martın 4-də MDB Parlamentlərarası Assambleyasının Elm və təhsil üzrə, həmçinin Nəzarət-büdcə daimi komissiyalarının videokonfrans formatında iclasları keçirilib.

Qurumun Elm və təhsil komissiyasının iclasında Milli Məclisin Elm və təhsil komitəsinin sədri, bu komissiyanın sədr müavini Bəxtiyar Əliyev və deputat, bu komissiyanın üzvü Kamilə Əliyeva iştirak ediblər.

İclasda komissiyanın təşkilatı məsələlərinə baxılıb, “İntellektual fəaliyyətin nəticələrinin kommersiyalaşdırılması haqqında” model qanun layihəsi, “Tədqiqi və hazırlanması üçün əxlaqi standartlar da daxil olmaqla, süni intellektin istifadəsinin hüquqi tənzimlənməsinə dair” tövsiyələrin konsepsiyası təsdiq edilib.

MDB PA-nın komissiya iclaslarında

“Elm və təhsil sahəsinin model qanunvericiliyinin perspektiv istiqamətlərinə dair” tövsiyələr layihəsinin müzakirəsində Milli Məclisin Elm və təhsil komitəsinin sədri Bəxtiyar Əliyev müasir dövrün, pandemiyanın diktə etdiyi reallıqlara, o cümlədən distant təhsilin hüquqi tənzimlənməsinə diqqət çəkib, MDB PA-nın “MDB-yə üzv ölkələrdə distant təhsil haqqında” model qanununun yenidən işlənməsinin vacibliyini vurğulayıb. Məsələ ilə bağlı çıxış edən digər deputatların da təklif və iradları nəzərə alınıb.

“Birliyin uşaqları” beynəlxalq mədəni-təhsil tədris forumunun əsasnaməsinin yeni redaksiyası ilə bağlı iclasın müzakirələrində Bəxtiyar Əliyev forumun vacibliyini vurğulayaraq təkliflərlə çıxış edib. Qazaxıstanın da təkliflərini və Belarusun iradlarını nəzərə alan komissiya sənədin yenidən işlənməsi ilə bağlı qərar qəbul edib.

Assambleyanın Nəzarət-büdcə komissiyasının iclasında isə Milli Məclisin deputatı, MDB PA-da Azərbaycan nümayəndə heyətinin üzvü İqbal Məmmədov iştirak edib.

Onlayn iclasda komissiyanın təşkilati işlərinə baxılıb, Assambleyanın müxtəlif maliyyə öhdəlikləri və fəaliyyətinin digər təminatları ilə bağlı dəqiqləşdirmələr aparılıb. Həmçinin “MDB-yə üzv dövlətlərin Parlamentlərarası Assambleya Şurası Katibliyinin əməkdaşlarının sosial ödənişləri haqqında” Əsasnaməyə dəyişikliklər edilməsi, “MDB-yə üzv dövlətlərin Parlamentlərarası Assambleyasının fəaliyyətinin maliyyələşdirilməsi haqqında” qətnamə layihəsi və digər məsələlər müzakirə edilib.

İclasda “MDB-yə üzv dövlətlərin Parlamentlərarası Assambleya Şurası Katibliyinin əməkdaşlarının sosial ödənişləri haqqında” Əsasnaməyə dəyişikliklərin yenidən işlənməsi qərara alınıb.

Bizimyol.info

Paylaş »
››› ABŞ və Türkiyə Rusiyanı Qarabağdan necə sıxışdırıb çıxaracaq... - Rusiya mətbuatı
››› Rusiya 120 min azərbaycanlını geri göndərmək istəyir
››› Diaspor Komitəsinin keçmiş sədrinə məxsus bahalı əmlak əlindən alındı
››› Nazim İbrahimov haqqında sensasiyalı iddialar
››› Rusiya Türkiyənin Ukraynaya dəstəyindən narazılığını bildirib
››› Türkiyə səfiri Azərbaycanı tərk edib
››› Azərbaycanda son sutkada koronavirusa yoluxanların sayı açıqlandı
Son xəbərlər
Bütün xəbərlər »