Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Paytaxtda tramvay xətləri haranı əhatə edəcək... - Xəritə
Tramvay

Bakıda nəqliyyat infrastrukturu yenidən qurulur. Bu çərçivədə müxtəlif nəqliyyat növlərinin inkişafı planlaşdırılır.

Baku. ws xəbər verir ki, Bakı Nəqliyyat Agentliyinin (BNA) Mətbuat xidmətinin rəhbəri Mais Ağayev AzTV-nin efirində Bakıda tramvay xətlərinin çəkilməsi ilə bağlı məsələnin gündəmdə olduğunu bildirib:

“2021-2030-cu illər üzrə “Dövlət Proqramı” çərçivəsində bu məsələ də gündəmdədir. 2030-cu ilə qədər bizim milli prioritetlərimiz təsdiq edilib. Məqsədimiz şəhər nəqliyyatını müasirləşdirməkdir. Orada bir bənd yaşıllaşdırma ilə bağlıdır. Bu yolla həm də şəhərin ətraf mühitinin qorunmasını təmin etmiş olacağıq.

Bu çərçivədə müxtəlif nəqliyyat növlərini məşhurlaşdırmağa çalışırıq. Bu gün insanlar yalnız şəxsi nəqliyyat vasitələrindən, metro və avtobuslardan istifadə edirlər. Çox istərdik ki, paytaxtda tramvaylardan da istifadə olunsun. Bu istiqamətdə işlər gedir”, - deyə qurum rəsmisi bildirib.

Bəs Bakıda hansı ərazilərdə tramvay xətlərinin olması məqsədəuyğundur?

Bu və digər məqamlara aydınlıq gətirmək üçün nəqliyyat eksperti Ərşad Hüseynovla əlaqə saxladıq.

Ərşad Hüseynov açıqlamasında bildirdi ki, əgər Bakını müasir şəhər etmək istəyiriksə, orada tıxac olmasın, smart şəhər elementləri olsun, bu zaman ictimai nəqliyyat mükəmməl olmalıdır. Onun sözlərinə görə, bunun üçün ictimai nəqliyyatı çeşidli etmək lazımdır.

“Bakı kimi şəhərin böyük metro şəbəkəsi olmalıdır. Bu şəbəkənin 25 yox, 200 stansiyası olmalıdır. Burada avtobus və tramvay şəbəkəsi də mütləq olmalıdır.

Belə yanaşdıqda paytaxtın bütün ərazilərinə tramvay xətləri çəkilməlidir. Amma alqoritmin ikinci tərəfi var. Birinci növbədə o boyda tramvay xəttini çəkmək üçün böyük miqdarda investesiya lazımdır. İkinci növbədə də, şəhər küçələrini söküb, yenidən tikmək lazımdır.

Ona görə də, tramvay şəbəkəsini düzgün yerdən başlamaq lazımdır. Həmin ərazidə yenidənqurma işləri aparılmalıdır. O işləri görərkən hərəkətin iflic olmaması üçün qabaqlayıcı tədbirlər görülməlidir”, - deyə ekspert bildirib.

Ərşad Hüseynov deyir ki, əsas məqam digər işlər kimi tramvay xətlərini də göstərici xətrinə çəkmək olmaz:

“Tutaq ki, göstərici üçün 300 metr tramvay xətti yaratdıq. Bunu yaratmaq üçün konkret inkişaf strategiyası olmalıdır. Dəqiq hədəflər olmalıdır.

İnvestesiya tərəfi, həmin pulun geri qayıtma qabiliyyəti hesablanmalıdır. İşlər mərhələli şəkildə, 300 metrdən başlayıb, 500, 1000 metrə qədər uzadılmalıdır. Daha sonra bu xətlər 2000, 3000 metrə çatdırılmalıdır. Bununla da, tramvay xətti hörümçək toru kimi bütün əraziləri əhatə edəcək.

Bu işlər tədricən həyata keçirilərsə, bir çox küçələrdə, Fizulu, Səməd Vurğun küçələrində də tramvay xətti çəkmək imkanı yaranacaq”.

Bakıda tramvay xətlərini haradan çəkməyə başlamaq lazımdır?

Ərşad Hüseynov vurğulayıb ki, indiki dövrdə ən çətin məsələ Bakıda tramvay xətlərini öncə haradan başlamalı olduğunu müəyyən etməkdir. Ekspertin fikrincə, tramvay xətlərini ilk öncə şəhərin kənarından çəkməyə başlamaq lazımdır.

“Tramvay xətlərini ilk öncə Qaraçuxur, Günəşli, Bakıxanov qəsəblərindən başlamaq lazımdır. Oradan qəsəbəiçi şəbəkə yaratmaq lazımdır.

Həmin şəbəkəni gətirib “Əhmədli” və ya “Neftçilər” metrosu yaxınlığına gətirmək lazımdır. Həmin şəbəkə gəlib metro stansiyaları ilə birləşdisə, bu olacaq super layihə. Bu xətt üzrə işləyən tramvaylar sərnişinlərlə dolub-daşacaq.

Bundan başqa, Biləcəridən Binəqədiyə, Balaxanıya və oradan da hansısa yaxın metro stansiyasına uzanan tramvay xətti effektli olacaq.

Lakin Hansısa qəsəbənin bir ucundan digər ucuna işləyən tramvaylar boş işləyəcək. Əsas məqsəd kənd camaatı yaxınlıqdakı metroya gələ bilsin.

Yusif Səfərov küçəsi yeni təmri olunub. Bir neçə ilə həmin keçə yenə dağılacaq”.

Qeyd edək ki, “Azərbaycan Dəmir Yolları” QSC-nin sədri Cavid Qurbanov da məsələnin gündəmdə olduğunu bildirmişdi. Cavid Qurbanov açıqlamasında çəkiləcək tramvay xətlərinin sxeminin də müzakirə olunduğunu bildirmişdi:

“Vaxtilə Bakıda mövcud olmuş travmay xətlərinin sökülməsi ilə ölkəyə ziyan vurulub. İndi bu xətləri yenidən yaratmaq çətindir. Odur ki, xarici şirkətlərə müraciət etmişik. Biznes-plan hazırlanır.

Tramvay xətləri Bakının Əhmədli və Biləcəri, Abşeron rayonunun Pirşağı, Sumqayıt şəhərinin Hacı Zeynalabdin Tağıyev kimi qəsəbələrini əhatə edəcək”, - o qeyd edib.

Azərbaycan Dövlət Şəhərsalma və Arxitektura Komitəsindən də bildirilib ki, şəhərdə mobilliyi artırmaq üçün müxtəlif ssenarilərə baxılır, ölçülür, qiymətləndirilir və tramvay potensial olaraq elə nəqliyyat növlərindən biri kimi qiymətləndirilir.

Hazırda tramvay xətlərinin çəkilməsi və ona nəzarət edilməsi hansı quruma həvalə olunması da müzakirə obyektidir.

Paylaş »
››› "Rusiya qüvvələrinin Qarabağdan çıxarılması..."
››› Daha bir toy yarımçıq qaldı - Video
››› Norveçdə məhbus həyatı: Maraqlı faktlar - Foto
››› Aprelin 12-nə olan hava proqnozu
››› Azərbaycanda son sutkada koronavirusa yoluxanların sayı açıqlandı
››› Krımda 2 azərbaycanlı saxlanılıb
››› Ekspert: “Robert Koçaryanın hakimiyyətə gəlməsi ilə Qarabağ nizamlanmasında vəziyyət dəyişə bilər”
Son xəbərlər
Bütün xəbərlər »