Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Bayden Salmanı hədələyib: "Qaydalar dəyişir ..."
Co Bayden

ABŞ prezidenti Cozef Bayden insan haqlarının pozulmasına görə şəxsən Səudiyyə Ərəbistanı kralı Salmanı məsuliyyətə cəlb etmək niyyətindədir. Virtualaz.org xarici KİV-lərə istinadən xəbər verir ki, bu barədə Bayden kralı şəxsən telefon danışığı zamanı xəbərdar edib. Bildirib ki, Vaşinqtonla Ər-Riyad arasında münasibətlərdə qayda dəyişir.

Qeyd edək ki, Birləşmiş Ştatlarla Səudiyyə Ərəbistanı arasında Donald Trampın hakimiyyəti dövründə münasibətlər qarşılıqlı mənfəət üzərində qurulmuşdu. Və Vaşinqton Ər-Riyada insan haqları ilə bağlı irad bildirmirdi, Trampın kürəkəni Cared Kuşner isə vəliəhd şahzadə Məhəmməd bin Salmanla şəxsi dostluq əlaqələrinə malik idi.

Lakin indi Bayden jurnalistlərə açıqlamasında bəyan edib ki, Səudiyyə Ərəbistanı ABŞ-la münasibət saxlamaq istəyirsə insan haqlarına əməl etməlidir. “Kralla danışdım, vəliəhd şahzadə ilə yox. Ona başa saldım ki, qaydalar dəyişir və biz həm bu gün, həm bazar ertəsi əhəmiyyətli dəyişikliklər barədə elan etməyə hazırlaşırıq”,-Bayden bildirib.

Məhəmməd bin Salman

Bundan əvvəl ABŞ jurnalist Camal Xaşouginin Səudiyyə Ərəbistanının İstanbuldakı konsulluğunda doğranaraq öldürülməsinə görə məsuliyyət daşıyan bir qrup səudiyyəli məmura sanksiya tətbiq edib. Lakin “The New York Times” yazır ki, Bayden şəxsən vəliəhd şahzadəyə qarşı sanksiyaların tətbiq edilməsindən hələlik çəkinib. Müzakirələrdən sonra qərara alınıb ki, vəliəhdin adının sanksiyalar siyahısına daxil edilməsi və ona qarşı cinayət ittihamının irəli sürülməsi Vaşinqtonla Ər-Riyad arasında münasibətləri korlaya bilər.

Bayden bu arada İranı da xəbərdar edib, ona “ehtiyatlı olmağı” tövsiyə edib. Baydenin bu xəbərdarlığı ABŞ aviasiyasının Suriyada fevralın 26-na keçən gecə İrana bağlı qüvvələrin bazalarına raket zərbələri endirməsindən sonra səslənib. “İran ehtiyatlı olmalıdır. Onun hərəkətləri cəzasız qala bilməz. Mən onlara ehtiyatlı davranmağı tövsiyə edirəm”,-Bayden bildirib.

Paylaş »
››› ABŞ və Türkiyə Rusiyanı Qarabağdan necə sıxışdırıb çıxaracaq... - Rusiya mətbuatı
››› Rusiya 120 min azərbaycanlını geri göndərmək istəyir
››› “Şahbaz məhkəmədə Azərbaycan bayrağını təhqir elədi”
››› Diaspor Komitəsinin keçmiş sədrinə məxsus bahalı əmlak əlindən alındı
››› Rusiya Türkiyənin Ukraynaya dəstəyindən narazılığını bildirib
››› Nazim İbrahimov haqqında sensasiyalı iddialar
››› Türkiyə səfiri Azərbaycanı tərk edib
Son xəbərlər
Bütün xəbərlər »